大閘蟹宴

真係好耐好耐冇食過大閘蟹喇!!

舊低因為身體虛弱所以唔食得，不過而家冇事喇!! 唔洗再戒口當然要豪擦一餐慶祝下啦~~

今次同愛人去左紅升品嚐大閘蟹宴，呢個餐都幾多野食，最正就係一人有3隻蟹比你，兩皇一后，真係食得夠哂過癮!!

一開始先黎一人一盅雞燉翅，料就唔算好多，不過飲落去都幾鮮味，比起我呢排成日工作都要食嘅"紅燒翅"好味好多...

再黎一碟燒腩加肴肉，d 皮好脆好好味，不過嫌佢份量少左d~~

蟹粉小籠包勁多汁，正~~

主角出場喇!! 侍應先送上一人一隻蟹公..... 佢地話有5兩重喎!! 都幾大隻，蟹羔都幾多下....

當我地食到尾聲，侍應就會問我地上得第2隻未... 食完一隻先再黎一隻，熱辣辣，唔錯。今次送上蟹乸，比蟹公細隻d，不過d蟹羔就超多，好香呀!!

第3輪再食蟹公，又係幾大幾多羔，一連食左3隻，好有滿足感~~

食完蟹，先黎一杯薑茶，好香甜好辣，咩野寒氣都驅走哂.....

再接再厲，一人一碟紅糟炒蝦仁，好好味~~

嘩!! 又係期待以久嘅臘味糯米飯，果然好香好yummy，就算有d飽意都要食埋佢先...

最後有甜品"麻沙糍" 同埋"紫米露"...

呢一餐足足食左2個鐘，好飽好滿足!! 

睇怕隔多一排又要再戰一番先得喇!