見面

今日難得可以休息，一於呢埋屋企抖下。

最近總是忙著公司工作，差不多一個月冇煮飯喇!!

原本打算今日做下煮飯婆，點知下午5點幾時，老公打電話來，話要OT，唔可以歸家食飯~~

煮飯婆做唔成，又要食自己，有d唔慣添.....

雖然呢幾日都有同老公一齊出街食飯，不過唔知點解，見少佢一日，硬係周身唔舒服咁......

到左下午6點幾，我再打電話比佢，問下佢要加班加到幾點先.....

「我今晚要OT到11點喎!! 不過.........你而家過黎銅鑼灣，我都有一個鐘同你食飯嘅!!」

下~~ 要我即刻飛趕去銅鑼灣先可以同你食一個鐘頭飯?

為左見佢一面....一於即閃.......

點知.....

就晌呢大半個鐘頭裡面......

經歷一場黃色暴雨......

縱使有雨傘，都全身濕透，一對鞋亦重了好幾磅.......

去到餐廳，愛人已經點好菜等我，不過，佢好似一d都唔知外面有幾大雨.....

食完飯，雨停了，愛人仲笑住話:「咦? 都冇落雨，頭先係咪真係有暴雨咖?? 唔好詭我喎!!」

呢一刻真係比佢激死

不過....我都開心嘅!! 起碼愛人揹著沉重架生出job時，天氣是好的，如果唔係就真係好辛苦.....

自己一個人回到家，望住一對給濕濕鞋焗到發白的一雙腳......

我竟然笑了.....

我係咪好傻呢??