玩妝分享

自從搬左新工作室後，因為太忙而少左搵d 客人、model或者blog友黎玩妝喇~~

不過，上星期收到其中一個blog友打電話來，佢因正在放假，所以有時間得閒上來做我model。

上一篇文章講到，阿攝影師幫我裝左個閃燈，又調效好燈光，仲教左我一d攝影技巧，小小地方終於有一個攝影區比我拍造型照喇!! 真係好想搵人試下~~

正當想找model來試，想不到有人就打左電話比我，真係太好喇!!

不如大家就黎睇下我拍攝嘅作品啦~~

今次拍攝造型同以前好唔同，因為我係即興，事前係冇諗過要設計ｄ咩造型，一d準備功夫都冇做過。只係諗住同blog友玩下妝，試下新飾物。而化妝、set頭，以及造型拍攝，全部都係我一個人包辦。

呢次係我第一次見呢位blog友，一見佢就比佢吸引住喇!  佢真係好靚女，眼睛又圓又大，仲有令人羨慕嘅白滑皮膚以及令人著迷嘅酒渦添.....

佢真係好有做model的條件哦!! 睇真d，真係有幾分似"蔡少芬"喎!!

呢一張係晌我化妝檯果邊拍攝的，即是平時試妝拍照地方，日間有太陽光輕照入黎，感覺都唔錯~~

睇黎第日我做唔成化妝師，都可以搶埋阿攝影師飯碗.....

唔知大家有冇興趣做我model呢?