1.11.2009 義工日 (苗圃)

都有好幾個月冇做過義工啦! 不過臨近年尾, 做義工既日子同機會會越來越多, 今次我就同姑姐去左幫苗圃做義工, 係幫小朋友同大人畫大花面, 之後就步行籌款!

不過今次既義工活動, 就真係比較辛苦, 辛苦唔係做嗰時, 而係做之前, 因為今次義工目的地係城門水塘既郊野公園~~蝴蝶園, 我地要行上山會合大會, 極蠢既我之前又唔知, 著左件長袖衫 (人地剛剛病好怕凍嘛), 搞到又熱又辛苦, 但做善事就乜都冇所謂啦!

去到之後, 發現原來今次係好大型既活動, 有超多小朋友呀, 又有有線影住 (唉...好似影到樣衰衰既我), 起初搞到我有d不知所措, 但後來諗下, 我時間無多, 因為我要1分鐘內畫好1個人, 又要畫手, 又要畫面, 所以要好專心, 以最簡單既畫法, 超快手咁畫, 哈哈, 我發現我畫得唔係咁靚咋, 不過冇法啦, 冇時間慢慢諗同畫嘛, d化妝筆又好易斷 (我下次一定要買d再靚d既), 唯有下次再畫靚d啦! (好快又下次另一活動啦! 我都要快d準備好先)

今次活動分廿公里同十公里, 行完廿公里會有張證書, 我冇同佢地行全程, 因為我今次只做義工, 冇報名慈善行呀, 所以我同佢地行左一半就走左啦!

晨早行山, 我...好眼訓呀! 不過好有益健康喎, 做完善事個人都開心d!

我好想見到柴九黎耀祥呀! 但.....可惜.....

我係廿公里起點做義工, 只見到風之后~~珊珊, 李麗珊一家, 而柴九係十公里位置呀!

佢帶左副太陽眼鏡呀, 仲好開心添

小朋友d帽全部都係自己整架, 真係好靚呢!

呢個小肥仔好可愛架, 我地話畫乜就畫乜, 畫晒周圍都得

呢個小朋友話佢想做螳螂, 所以我同佢油左綠色, 仲要三角面

另一個超可愛既小肥仔, 佢要求畫隻蜈蚣係手, 烏龜係面

有線靚女主持

有線話今次活動會係體育台播出, 但我唔記得佢話邊日, 好似係10定12號, 不過最大問題係, 我發現原來我屋企冇體育台睇架, 最衰我之前同有線講唔要呢台啦, 今次真係想睇返都冇得睇啦! 嗚嗚嗚.............

我覺得做義工既人其實係最開心, 因為未幫人首先已經幫左自己, 見到人開心, 自己仲開心嘛!

施比受更有福