新天地實錄

好早起身呀，今天要去新天地影相，

因為是用酒席贈券加錢換的，當是玩玩下去拍。

一去到化妝房報到，成條生產線已坐定定了，今日平日，

但都有十對新人預約。

(後來我才知道9點這批是第一Round，3點又有另一Round，勁。)

春田幾經辛苦終於偷拍到我，有2個化妝師服侍緊我，但我成日

偷望左右隔野，其他新娘就好冷靜，郁都唔郁喎。

這是我第2個造型，米白婚紗，化妝姐姐給我戴了一個小冠，後來我在休息室無聊睇相薄，先知係抄袁彌明同高筠賢拍的宣傳相造型，哈哈。

我比較喜歡第3件黃色晚裝的頭飾，可惜春田偷拍不到，唯有等揀相才看到效果了。

這個鞦韆是王牌景點，好多客人都喜歡揀這個Shot來晒大相，但我就有點抗拒，覺得好似精神病院的後園(雖然未去過)，但感覺好強烈，看我的表情勁無奈，但攝影師不停叫我笑，又話我笑得假。

攝影師助手成日走過來，確保每個甫士都合乎標準......佢地好勁，去到每個景點都有指定甫士，最勁係佢地真係記晒入腦。

這件衫，同上星期Do姐做金像獎那件紅色的差不多，人地就話遮頸紋，我做乜揀件包到上頸?因為視覺上著得我瘦，但春田見到我換完衫出來畀左個好奇怪的反應我，唔通佢覺得我有Do姐Feel?

影完相，終於做番自己喇，我同春田在茶餐廳醫肚時開心到自拍。

接著我又上了酒樓，呢間就是新娘房，好大的，大到影唔晒，只影到一角。我想睇下個獨立洗手間，鎖左。

5百幾元的花球，影完相繼續物盡其用，好貴要影番夠本。