終於試妝喇

台灣回來之後，這幾日都超繁忙。今晚終於可以抖一抖，原本想寫下台灣影婚紗相之行，但開電腦先發現旅行的相在春田處，哈哈，唯有寫下今日試妝的事。

我的形象顧問智利小姐一早陪我去化妝師屋企試妝，佢真係好Pro，畀到好多意見我，而我又十分相信佢的眼光，我地試試試，又轉頭又轉妝玩左幾個鐘，搞搞震。

琴晚收夜，又食埋宵夜搞到好夜先返屋企，冇敷Mask就走去試妝，化妝師話好皮膚缺水，又唔做功課就來，哈哈，智利要我實行每日一Mask，無限供應Paper Mask畀我用喎，抵錫。

我地大大話話試左十個頭，以下幾個都係我地唔Buy的，可以貼出來娛樂下大家。

呢個頭飾係化妝師親手做的，個頭飾好靚，但我唔靚，加上綠色我麻麻地，所以byebye咯。

呢個其實我好鍾意，但睇相後覺得要改良小小先好睇，最搞笑是化妝師話呢個頭飾徐子淇都有一個，不過人地是鑽石，我地是水晶。

我試個個裙掛造型都唔係好得呢，係我唔得，唔關個妝事，因為我化中式妝就會變「妹仔」，睇我幾無奈就知。

最後我要求試普通款的冠＋白紗，會唔會清左少少呢？所以智利話換另一個頭飾，那個好靚既呢，不過唔貼出來住。