草莓終於好番好多!

好耐冇寫過BLOG勒，好想update下草莓既情況呀。

8月8日星期六，草莓去左NPV個度覆診，好開心佢D皮膚大致上都好番晒勒! 而王醫生開左支沖涼body shampoo俾草莓，叫我地每星期同佢沖一次，連續幾個星期KEEP住用呢支野，咁就會好晒架勒。希望真係完全斷尾!

我地同王醫生講草莓有D牙仔未換，依家有四隻犬齒，王醫生話如果佢唔自己甩就要同草莓"Mock"牙呀! 而咁啱我將草莓番轉身時(即係佢個肚肚向天)，王醫生見到草莓個肚臍有個水pop，佢好似突然發現新大陸咁，同我地講: 狗狗佢有小腸氣喎。 我同ROSS都好驚訝，因為之前Pauline同我地講呢個係草莓既肚臍，而且去VET打過幾次針都冇人同我地講過 (個水pop已經出現左好耐架勒)。 王醫生話如果我地想同草莓做絕育的話，可以在做手術時一次過幫草莓mock牙同做小腸氣手術。而手術費用都很合理，王醫生話最好在草莓起左第一次水之後先做，咁我地唯有等下啦。