盲俠行2009 - 反黑復明

終於到左盲俠行0既日子  今次路線由沙田運動場行到大美督水壩, 全程20公里我哋22:45去報到, 影下相, 等下, 大約 24:00 就出發.  初頭行就冇乜野好輕鬆, 第一個補給站馬料水, 有小食有水, 大家休息一陣再繼續行, 去到科學園就進行蒙眼大考驗  一個個帶上眼罩行, 大約行左10分鐘, 睇驗下盲人行路0既感覺.  但我只係覺得我哋好好玩, 一條又一條0既人龍, 好得意

之後再沿海邊行, 好大風好凍, 好彩有二打六0既熱朱古力, 好溫暖呀, 行多陣就到白石角海濱長廊蓋第1個印

去到大埔已經開始有D攰, 見到個牌只係寫住7km, 11km, 嘩, 即係仲有排行啦去到海濱公園就蓋第2個印, 一個二個已經嗌攰  去到15km之後仲攰, 進入大美督0個條路後, 感覺好似行極都未到平時燒野食0既大美督燒烤王  大約6:00, 我哋終於到終點喇, 不過都仲要行多條斜路喎  蓋完第3個印拎埋證書, 哈哈, 完成全程喇

食過早餐, 個個都等睇日出, 睇左一陣, 查實個太陽都唔係哩邊出, 天都光晒就搭巴士回程 lu, 今次真係好攰......但都幾好玩, 好想下次參加馬拉松呀, 好似冇20公里咁長添, 應該冇問題