Sa Wa Di Ka ~ Day 2

今日趕唔切起身食早餐, 為有自己出去食啦  首先去Aor Tor Kor 買蝦片 & 食野, 哩度有好多生果, 乾貨, 海鮮賣.  見熟食檔都OK喎, 食左碗魚蛋粉, 得呀 

之後轉場去翟度翟, 真係好大, 行行下都唔知自己行左去邊, 見路就行, 見衫就買, 買完又食  

返酒店放低戰利品, 休息一會再出發去 Suan-Lum Night Bazaar, 哩度D衫都幾OK架, 但一D都唔平, 所以冇收穫.  除左有衫賣, 仲有好多酒吧.

露天餐廳, 初頭都有D熱, 好彩之後有風  我哋個位對住個台架, 好似話有時會有泰拳睇架, 不過今晚冇, 只係歌舞表演, 不過都唔知佢唱乜 今餐好豐富, 冬陰公, 生蝦刺身, 大頭蝦, 炒雜菜仲有碟粉, 好飽呀

之後去左 Sala Daeng 站附近行, 見到條街有好多酒吧喎, 諗住入去睇下, 點知行到一半已經見到好多制服誘惑, 都係走人lu   跟住一路行都有好多人問睇唔睇 Sexy Show, Woo ~~   估唔到我哋撞左去紅燈區呀.

今日冇食雪糕, 去左酒店 55/F Red Sky飲野, 對住曼谷夜景飲特別覺得好飲

咁就渡過左我哋0既 1st Anniversary