網誌分類:飛女的更表 |
一個星期的stanby真係好難捱, 比著以前standby時間未開始, 飛女一定化好妝, 換定衫, 執定篋隨時"走佬"咁款, 因為以前十次standby, 9.5次都一定中被call out...
依家經濟低落, 航次cut左, standby都未必會收到call, 但飛女都幾黑仔, 當大家都話"唉...放心啦,邊有咁多機飛, 邊有咁多人敢再report sick, 你一定得個"等"...唔駛驚被call out啦"
但係我上兩次standby, 一次call左5日, 一次call 4日, 你話我駛唔駛驚啦...
今次一個星期standby, 頭3日呆等, 等到我都呆呆地, 自以為今次唔通可以打破宿命冇call俾我....點知第4, 5, 6日就一口氣, call out我要連飛三班, 你都咪話唔做到氣咳.....
依家終於叫做完成左duty, 可以抖一抖, 回一回氣...
可能太耐冇做咁full load0既flight, 之前放大假休息左一排,又roster左好多假期冇乜機飛, 唔駛飛咁密....所以一旦遇到full loading 我都覺得做得好辛苦, 好唔習慣.....
我想我真的需要做下運動鍛鍊下身體, 仲有減下肥, 我真的肥了不少, 唔想做肥師奶哦.......


