捐血

我發覺...每當我返工....果一更就梗會有至少一個patient 要輸血
同學仔都不禁問我呢排係咪成日食紅豆沙.....

哈~~我發覺我呢排都真係幾黑仔
同學仔返A.....好得閒
到我返P.....忙到傻

究竟我幾時變左做黑仔嫁??!!
一定係我個黑仔同房過左D 黑氣俾我!!!


返工見到咁多包血
突然好想去捐血
於是尋日放工就去捐血啦

捐血填完表...入去見姑娘探熱
之後就要驗下血紅素...
拎左少少血滴入CuSO4既溶液入面.....

每到呢個時刻....我都好緊張........
心裡面祈求我滴血唔好浮上黎.....

點知...................
我滴血又浮左呀......
工作人員...再拎左我少少血入血紅素機

原來我Hb 又唔合格....
今次仲要得Hb9.8..............(( 要11.5 先可以捐血))

下...乜一次又低過一次嫁....
今次已經係我八個月以黎...第三次捐唔到血啦

拿拿拿.....千祈唔好再低落去呀
我唔想要人輸返血俾我呀.....


大家不妨做個定期既捐血者
可以幫到人~~對自己又無害

(( 又post 唔到相既...))