唔該""""姨姨""""???????

原來又好耐無打過Blog 添!!
抵打呀!!!!!!
不過呢排又要落ward 放工又要溫書....(( 畢業試臨近 )))
其實都無乜時間呢.......

哈~~
我最近做左孤兒仔.....俾人調黎調去.....
每個Ward 都去一去咁.......
所以我每次打Blog 都好似o係唔同Ward 咁.......
我而家o係仔房呀....即係兒童病房

小朋友好可愛
見到佢地~我會好想鍚佢地面珠仔

小朋友既天真~
不自覺令我覺得自己好老.....

每日返工我個袋都放多左好多野~~~~~
就係糖果...貼紙.....小玩具.....
目的就係要佢地乖乖地聽話

有時遇到D曳曳小朋友......佢喊到我....耳膜都穿呀.....
試過有一次....餵一個歲半小朋友食藥
一路餵...佢兩隻小腳仔就朝住我胸口狂踩....
OH........小朋友...你地乖D啦....
再係咁落去.....我就黎變平胸姑娘仔嫁啦.........

前幾日....
我幫一個小妹妹沖涼
佢平時係唔多出聲.....於是我就哄佢講野.....
哄哄下...佢又好似信任我啦....開始肯同我講野
沖完涼之後......我同佢講"""" 洗完白白啦......你要同我講咩呢???""""
妹妹諗左一諗
好大聲咁講：唔該姨姨........

當時又勁多人在場.......俾人勁笑.....
我暈啦
唔制唔制....
咩姨姨喎
人地仲好後生嫁.......
以後小朋友叫我姐姐我先俾貼紙/糖.....哼哼