纖體療程的誤解

呢篇blog想寫左好耐, 只係一直都未可以的起心肝...

自上年喺澳門回流返港後, 一直覺得好驚... 好驚.... 因為真係肥得太緊要!!  莫講話幾年前深愛既牛仔褲著唔落, 就算係07年買落既牛仔褲, 都越黎越緊!! 好清楚隨住年紀既增長, 新陳代謝會越黎越慢... 再唔減, 就更加難減!!

其實喺未番香港前, 已經開始跑步減肥, 一星期大約2-3次, 每次1小時, 但效果唔理想, 花上2個月時間, 只係減到2磅左右 (當時有成12x磅啊!!). 番香港後既首2個月, 差不多日日去做gym, 請埋健身教練, 甚至乎請埋營養師跟營養餐單去飲食, 無奈呢啲營養餐單實在太豐富, 日日新款, 但實在難以跟足.... 後來變成 星期二既早餐加星期一既午餐再搭左星期二既晚餐. 3個月既營養師療程, 最終只減到2磅. 計落呢條數, 仲貴我join纖體療程

年頭既時間, 甚至乎試過食藥減肥, Alli, G4消腩丸都試過... 完全唔work!! 1磅都減唔到.  更甚係... 可能我做運動姿勢唔正確既關係, 肚腩同大脾都練成肌肉肚同肌肉脾... 真係好得人驚架!!  個肚變得好實好實, 我叫我媽咪摸下個肚, 佢都嚇一跳呢!!

到6月既時候, 就把心一橫, 去參加唐安麒既$988試做療程, 起初都半信半疑, 而且我早已患上美容院恐懼証 (我試過比某大美容院玩果獸鬥, 非join plan不可 >.<)! 加上, 人人都話, 減肥都要做運動架喇! 做機只係懶人所為......

但事實証明, 我今次無揀錯呢!! $988 既10日療程已經減左4磅, 之後我再買左禮卷, 直至上個月, 一共減左14磅喇!!  我好想為參加纖體療程既朋友黎個大平反!!  參加療程既人, 唔係懶唔做運動, 唔係想不勞而獲 (其實我都唔明... 花咁多錢, 啲人話我想不勞而獲 )!  而係做運動真係幫我唔到丫!! 

不過... 到左而家平台期....... 又再次停滯不前.. =.= 激死!!!  仲有幾磅先到目標, 要加油加油!!!