網誌分類：新居篇 |
圖片
網誌日期：2009-11-09 00:29
過去依3個星期，要用「極度」忙碌來形容
因為男朋友家人恰巧進了醫院，每天要花3小時車程來回去探病
除了探病，有時更需到新屋了解裝修進度，由於放工去到已經天黑，每次去都需要拿電筒去視察，好似做「擦仔」咁
又恰巧，我連續兩星期的週末都有工作在身。
以上3樣東西同時間進行，身心累到極點。這段日子，身體過著病完、好返、再病、好返、再次病、好返的狀態
本來新屋裝修的事情是安排予男朋友負責，但佢又恰巧轉了工作，不方便聽電話，所以平日有什麼事，c傅都是打電話問我。可惜，我唔係好同佢溝通到，唔明佢講咩，有時又要我立即決定一些事情，我又忙緊工作，又要我收fax睇d圖，遲一日都唔得，感覺很無奈。我都有工作，唔係24小時得閒去答你d問題，點解你唔係我見到你時，一次過同我講????激死!!!有時，答完又唔記得，再問!
不過我同自己講，我忍你!!!其實c傅都算幾好人，價錢又唔係好貴，所以唔可以要求太多，可能佢地個行，就係咁做野，就係咁溝通啦!!!希望快d裝修好，順順利利!!
依家間屋，已經折晒d野，安緊電製位，唔知下一步做d咩呢???
比大家睇下，爛屋一間
