倒數99日

今日行左成日，好累好累

中午等埋未來99放工後，約左佢係TST食lunch，之後就去左TST婚紗街睇99衫

睇左幾間，又試左幾間，佢已經有少少心水，未來99話要再考慮下先

其實佢身型幾好，又高，著好多衫都好好睇，不過佢比較保守，所以選擇方面有d限制。

遲d帶埋我媽媽去睇，快快攪點d媽媽衫先。

睇左成個下午媽媽衫，我地就去左金都睇過大禮 &印帖

原來依家過大禮都好方便，男女家成set有齊，大約都係$800左右，有專人執齊晒，唔需要煩，好適合我依d咩都唔識，但又要做足的人

未來99話可能佢自己執會平d，但我女家就一定會買，因為我媽唔得閒攪，我搵人執齊晒就唔需要煩啦!!好好!!!

之後我同男朋友睇印帖d野，睇晒金都個d帖的公司，間間價錢都差不多，地庫個間服務態度比較好，有折、款式又多，所以應該會選依間，等expo再睇下就可以confirm，真好，又快攪點一樣。

最後，去左睇床褥，其實一早已經選左買邊隻床褥，不過之前認為唔需要咁早買，點知就出事啦!!!d物價不停咁上升，半年前個價同依家已經相距$700由於我地想買5尺x6尺的床褥，依個size好少有得特價，依家佢有隻4尺半x6尺做特價，比5尺的價錢平千幾，真係好抵。可惜我地心意已決，想買大張d，我訓得舒服d

經過我3吋不難之舌後，sale肯比返半年前做緊的折扣我，比依家平左成$700，其實都差不多時候要買，見佢比返個平d的價錢我，所以就立即買下，遲d裝修好後先送貨。