我和the one wg 的相遇經過

一直對婚紗無咩研究，又唔識邊d靚，靚d唔靚

更加唔知道自己想要咩類型，初初慢無目的咁唸，都係無咩作用

原來，當你睇多d wedding雜誌、行多d婚紗店、試多幾次

你會慢慢掌握到你想要什麼，明白什麼款式適合自己，我花了22個月才了解自己喜歡什麼的婚紗

當然，yahoo blog有好大功勞，各bloggers無私的婚紗尋覓分享、資料，實在令我學了很多寶貴的東西，many thanks !!遲些update返我試過不同婚紗公司的經驗予大家吧

我經過年多的觀察，把自己喜愛的元素歸納為﹕少少lace、少少釘工、a-line、輕身d、simple、 elegant、耐看、十年後睇返唔會覺得out。其實即係一件無咩野，好簡單，好普通，但又要有少少手工睇，少少釘工的婚紗。大家唔知明唔明我講咩?

其實我本身都好鐘意lace同釘工，全件都係lace&訂工的婚紗，是很美的。但我carry唔到，著上身，唔係好靚，老氣左，唔係我想要的感覺。所以我轉左目標，想要d有少少lace，但感覺輕d的wg。知道自己想要咩款去搵，感覺好好多，因為你有了目標。亦可能我太知道自己想要咩，主觀左，好多時，我覺得與目標有距離的，就唔會太想試上身，同時可能亦錯過了很多的其他可能性。

不過唔緊要啦，我太賴了，唔想左試試，右試試，加上只得半年，我怕趕不及，鎖定目標就向著前進。

研究後，一直都知道自己鐘情LM的婚紗，它的設計就是我想要的東西。猜不到，最後我真是在這裡選中，還要是造的。原來，你愛上它後，就算走過多少店，心仍然停在心中那間，走不掉的認命吧!!!

其實一早已經想睇，但心中仍有一絲絲希望在其他店睇中，可以慳返筆，未睇LM之前，在Bliss睇中了一件，其實Bliss的款式都不差，近我喜歡的類型，不過唔知點解，總是覺得欠少少。

難得夾到男朋友可以陪我睇婚紗，這陣子佢超忙，晚晚OT到很夜先走得，昨天可以去到LM，都是剛剛好彩他不用OT。

LM有3層，第一、二層是造、第三層是租的。我件the one 穿o左係公仔身上，聽sale講，它是新款，返了兩個星期。我一睇已經覺得幾靚，有晒我想要既野。之後拎左3件wg試，最後決定了它。

其實我件the one 不是我的size，穿上去，是完全唔fit，所以無其他bloggers遇上the one 時的心跳、面紅，有如初戀的感覺。希望造出來岩身後，可以感受你們的感覺吧

咁快第一次睇就決定的原因是，男朋友已經唔想我再四圍睇，又再試試試，之後終日抱著擔心找不到婚紗的焦慮情緒，佢覺得睇岩就決定，時間無多!!可能佢知道我都係心繫LM，佢太了解我啦!!!加上立即決定，有折，有折很吸引呢!所以就在試左3件的情況下，決定了要邊件啦!!!

大家可能覺得我點解可以試得3件就決定??太快??太兒戲???其實係我認為，婚紗依d野，真係天外有天，點去搵一件最最最靚，最最最岩水心，最最好的??今日你搵到，之後又可能遇更好??就好似搵老公、男朋友一樣，沒有最完美，沒有100分的。只要搵到一件自己認為岩自己，達到自己要求的，已經很好了。幸運地，昨天被我遇上一件自己喜歡又可afford到的，實屬好運，如果再貴一點，就要講byebye了。當然，能促成好事的，男朋友應記一功!!!謝謝你對我的愛護。

就係咁，the one中晒我的要求，所以就決定帶它回家，big day 著完，我仲可以穿上它影post-wedding，太美妙啦!!根據sale說，我應該是第一個穿上這款的新娘。期待5個月後與你見面依家又開始擔心我會穿得唔好睇了，救命，又是一個死性不改