我的第一次馬拉松

今日係渣打跑馬拉松的日子，上年11月，為左跟男朋友可以一齊步(其實係佢有佢跑，我有我跑)，運動白痴，唔鐘意做運動的我，在男朋友極力阻止之下，自己的起心肝報左名。

4am出門，6am開始步，依家我終於都能返到家了。

11月開始練習，練習左一個月多d，到左12月中影完pre-wedding之後，我就病左個幾月，無再練習過。

所有識得我的朋友，同事，知道我會跑馬拉松之後，都表示十分驚訝，覺得我無能力跑到，覺得我會在途中受傷等等。攪到連我自己都開始擔心了，擔心自己會唔會跑唔到，完成唔到，會唔會跑跑下死左??

琴晚10點就上床訓覺，訓唔著，好緊張，又擔心，緊張自己會包尾唔知會點，擔心自己途中唔知會出咩事。之後，d腸就緊張到抽住抽住，好難先能入睡。

去到場地，見到好多人，好熱鬧，d人好似參加嘉年華咁呀!!!!我見到d人帶晒相機在跑的途中影相，男朋友就話，早知你都帶啦，我就答，我要專心跑步，帶相機會加重我的負擔。佢竟然講，「到依一即，我都未接受到你係認真參加的」.............死未???連佢都咁唸我呀!!!!!何想而知，我真係一個運動白痴!!!!

聽到佢咁講，真係嬲嬲地，我真係認真，想跑完成家!!!!我的目標，本來想在1小時，15分鐘內完成。但依家，只想跑完成。我都開始擔心自己，有無能力去完成10km ??

開跑了，跑左幾步，已經覺得累，好似跑唔到咁，跑到1k唔夠，我就開始行了，haha，其他人仍然在跑。都唔知8km點跑!!!!

大家估下我，可唔可以完成依個10km ???