謝謝呢 ~ 好友們

下星期就去大陸啦，最近除左忙執拾行李、辦理事情外，亦跟幾位好友再見面，雖然我地平時唔係成日見，有時可能成幾個月都無見靠電話聯絡，但係我地嘅友誼一樣係”咁好”！！  特別係 Winne、樹群姐所送嘅禮物，讓我很窩心同感動    。Winne 送左一堆非常有用嘅健康食品，而樹群姐就親手織左條圍巾，呢兩樣禮物都係非常貼心嘅禮物，多謝妳們呢！！

本來好想好想過完聖誕先走，因有突發狀況，所以不得不提前離別。 內心一直蠻困惑，很想事業快點出發，但又唔捨得你們  ，另一方面又有點害怕新環境，所以最近都失眠，腦袋常常一片空白。 知道你們亦擔心亦不捨，所以答應你們，我一定會好好努力，盡快可做到我們的夢想！！