十分瀑布

呵呵 ～ 今日終於去左 “十分瀑布”，從淡水開左2個多小時車程，到左瑞芳鎮後 (九份就係瑞芳) ，再轉上去平溪鎮後就開始係山路上轉黎轉去，沿路風景好靚，因為有好多我鍾意嘅松樹      ，轉左 N 個灣後終於到左十分停車場囉， 好彩無暈車浪 ！  不過今日天氣有 D 熱，走到吊橋位置已經開始出汗，今次聰明一早買左礦泉水 ～ 哈哈 ～   

停車場落黎後要先經過吊橋再走一小段火車路就到瀑布囉

在吊橋旁一個叫眼鏡洞嘅小瀑布，覺得石頭形狀比較吸引，因為侵蝕到一個一個洞，幾得意 

眼鏡洞過去就係基隆河，亦是由於地勢斷層下形成十分瀑布

瀑布嘅頂部

呢個就係十分瀑布          

睇瀑布要 NT$180每位，講真有 D 貴，因為除左睇瀑布外其他設施唔係做得好好 ，有 D 地方都殘殘舊舊，希望台灣政府多注意觀光景點嘅四周設施啦！

離開十分後就去左 金山鄉 嘅 曼特寧 cafe shop 食晚飯，呢間 cafe shop 係同老公夜晚訓唔著去遊車河時，必去嘅地方，因為佢開 24小時啊 ～

cafe shop 內嘅庭園

我地嘅晚餐炸雞脾定食 ～ Yummy ～

十分一日遊在此結束，多謝觀看