呼~~~
呼咗一口大氣！尋晚終於完成頭一輪謝琪仔生日慶祝活動，總算一切順利！
用咗成半晝嘅時間，將屋企客廳，浴室同自己間房執番企企理理，但係都仲未有時間吸塵！雖知道本人不嬲都亂到七彩，呢單嘢的確係工程浩大，所花費嘅人力物力高達天文數字，氣勢可謂一時無兩！
跟住下一站就要開始各式各樣禮物佈置嘅搜羅活動，之前以經諗好咗，二話不說，撘老鐵直踩又一城！首先衝去IT攞之前留起咗嘅TC銀包，因為呢個絕對係今次成個生日嘅主角！我就覺得好靚喇！
下一站就係禮物之王Franc Franc!首先即刻攞咗個首飾盒，我之前睇過，襯哂佢間房，要黎擺我買比佢啲accesories啱哂！一路都有留意呢啲盒，好難先有個我覺得靚架！
(至於上面果粒菇，無我見幾得意買埋比佢嘅！哈哈！)
再之後就係枱燈一盞!因為廳果盞由紐西蘭帶番黎，用咗十幾廿年嘅Mathmos Lava Lamp終於與世長辭！我喺傷痛之中收拾心情，物色另一盞頂替！
燈光絕對係氣氛營造嘅主角之一，生日呢啲嘢一定要做到足嘅！(但係我依然念念不忘盞Mathmos，有無人知道邊度有得買呢？）
行過見到塊浴廉都唔錯，順手擸埋！
驗貨準備離開之際，眼角一𣈴，比我見到樣好嘢！話說謝琪仔成日話要去宜家買聖誕裝飾，又話想要棵聖誕樹，於是左睇右睇，終於要咗呢棵！啲咁靚嘅波波要另外買架！不過又幾好玩嘅！最緊要係用乾電加嘛！
好啦，下一站亦都係係禮物霸王Log On，我搵黎搵去，生日咭無乜淨，聖誕咭就大把，最後買咗張娘娘地，㩒制會有音樂響果啲，例走音果啲呀！cutie丫嘛！哈哈！
之前用完咗好耐嘅coca & vanilla香薰，就係喺呢度買架啦，咁啱撞正佢減價，當然即時入手啦！氣氛營造第二位就係氣味丫嘛！浪漫丫嘛！
咁然後去再殺過去Royce買埋盒香檳朱古力！好好味架！鐘意入口即溶嘅感覺嘅話，一定要試下啦！
最後去埋Page One，買埋生日蛋糕，其實買咗四件呢！果度啲cheese cake唔差架！喺呢個時候，我兩隻手都攞滿哂嘢，要飛的番屋企啦！因為謝琪仔就快放工，我仲要番屋企佈置一番呢！
忙咗成日，先發覺自己原來成日先係食咗一塊餅仔咋！
終於等到謝琪仔放工，一齊去咗MegaBox食Mos Burger!好耐無食過啦，原來果到啲薯餅幾好食個喎！我地呢樣又嗌果樣又嗌，嗌咗好好多嘢食！
食完嘢番屋企，我逐樣逐樣將頭先買嘅禮物送哂比佢，等到十二點許願食蛋糕吹蠟燭！影相都影咗一輪呢！(其實我過哂十二點食哂蛋糕先送壓軸禮物銀包仔比佢！等佢驚喜一下嘛！)
希望我今年可以比到一個開開心心，同埋難忘嘅生日佢啦！
Miss Or Gor 2009-06-19 12:55
korea1-wholesale3 2009-03-09 02:39
~飾品批發,少量可批,有圖可用~37
http://www.board.idv.tw/
accessory-wholesale2 2009-01-17 23:45
~飾品批發,少量可批,有圖可用~47
http://www.board.idv.tw/
我是DoCa 2008-12-08 11:44
thank you thank you thank you~
何仁仔2008-12-08 13:22