我好想好想喺呢度，趁呢個機會，多謝一個人。
我好想好想呢個人知道，我真係好衷心咁想話比佢聽，一啲我好想佢知道，我心裡面嘅感受。
呢個係我第一次寫嘅BLOG，亦因為係第一次，所以更加想將佢送比呢個人。
其實呢個人，佢喺我生命裏面，一早已經出現，不過到左而家，佢先真正影響我嘅人生...
為左我，佢戒煙，因為我話唔想佢食煙。
為左我，佢唔去同佢啲朋友出去飲嘢，因為佢知我會擔心。
為左我，一向唔食辣嘅佢，會嘗試陪我食担担面，食到流哂鼻涕！
為左我，佢會想睇晒我鐘意睇嘅戲，只係想知點解我鐘意，可以同我分享。
為左我，女仔人家，又唔係大隻，攞住部相機，同我周圍去影相！因為佢想陪住我。
為左我，佢唔止陪我去影相，仲要學影相！
為左我，佢可以去旅行都只係想跟住我，去我想去嘅地方，做我想做嘅事！
為左我，佢可以為左想我過一個最難忘嘅生日，煩腦左成個月，仲喊添。
為左我，一向我行我素嘅佢雖然好想同我一齊住，但係佢都唔會，因為佢想比屋企人覺得我地係認真嘅。
為左我，佢變成左一個小女人，乜都聽晒我話。
為左我，佢發夢我離開佢，都會驚足一日。
我從來都唔知道愛一個人可以咁樣，佢令我覺得我係世界上最幸福嘅人！佢令我明白愛一個人愛到最深，就係想分分秒秒陪住最愛嘅人，一齊做佢愛嘅人最鐘意做嘅事。佢就已經心滿意足啦。
我曾經見過兩公婆，個老婆為左個老公，學打機，學睇波，我當時覺得好厲害！但係我真係唔知當我愛嘅人咁樣對我嘅時候，感覺係咁震撼！
我真係好感動好感動，我從未試過咁感動，我每次聽到何韻詩嘅韻律泳，我都會喊！我無辦法相信我咁好彩，我只係一個好平凡嘅人，我知到我唔配有一個咁愛我嘅人喺我身邊，肯為我死心塌地，肯同我一齊做我鐘意做嘅野，肯為我去學習，去嘗試一啲佢完全陌生嘅嘢，而佢咁做，完完全全只係因為一個理由，
佢想我開心！
呢一種支持，呢一種愛，我無諗過會發生喺我身上！
呢個為咗愛我，不惜一切嘅人，
亦都係我一生中最愛嘅人.....
.....妳......謝適琪。
我唔知可以點多謝妳，我只係知道，我會用盡我所有嘅方法，去令到妳以後同我一齊嘅每一分每一秒都咁開心！
我要妳同樣感受到妳帶比我嘅幸福，快樂！
我好愛妳，好愛好愛......
Sammy K. 2009-07-07 17:11
DoCa 2008-07-01 02:28
何仁仔2008-07-01 09:54
天天 2008-06-30 00:28
你地好有夫妻相... 我睇左你地兩個既Blog..
一路睇一路微笑..鄧你地開心..睇到我心頭甜蜜蜜
我都好想我既另一半好似你地o甘...o甘識表達自己
何仁仔2008-06-30 12:58
不過我覺得溝通都可以有好多方法o既,同埋要有耐性,我都無乜架!哈哈!
keung9 2008-05-09 14:50
咁鬼幸福，睇到想喊。
祝白頭到老，永結同心啊！大B！
何仁仔2008-05-09 17:55
DoCa 2008-05-09 00:18
哈哈哈哈！
我覺得好開心呀！
（曬！）
Cat 2008-05-08 20:06
嘩... 好晒呀....
最衰我家男友唔識睇中文, 我又讀唔出啲咁"晒"既野比佢听...
想佢整篇咁既野比我, 等下世啦唯有 =]
何仁仔2008-05-08 23:38