好耐無同謝琪仔一齊去影相啦，因為有時大家放假時間唔係成日一樣，有時一齊放假又未必好天，終於喺上個星期六去咗大澳探貓仔！
因為一時無醒起可以喺東涌搭車去，所以又去咗中環撘船去梅窩再轉車去大澳，本來都有啲灰雲，一路都有啲擔心，去到碼頭之後仲開始落雨，差少少想放棄，撘緊車去大澳嘅時候仲倒水咁樣，好彩落車之後都無再落雨啦，舒服哂！
先黎狗仔一隻歡迎我地光臨大澳！（睇佢個樣幾開心，幾興𡚒！）
好鐘意呢啲歳月嘅痕跡。
謝琪仔話呢張影得佢好靚喎！
擾攘一輪，終於去到橫水渡大橋，啲屋有樓梯直接可以落船，正！
呢度好似係賣面具嘅，門口有張陳年英文news paper報導過，真係好耐好耐之前...
帶謝琪仔黎呢個當年我同攝友肥褀兩條友黎影日落嘅灘，好似污糟咗好多！
去洗手間中途比支燈柱插住咗膊頭，意外嘅嘢真係好難避免！
再黎一張水鄉風情。
爛鬼鐵皮屋加爛鬼鐵信箱，但係我鐘意！
呢間屋好開通，我地可以隨便出入！（突入！）
好想攞番屋企嘅木櫈仔！
荒廢嘅煤油倉，呢度可能睇唔清楚，其實係寫住1966年，四十年啦！
再見啦大澳！
後記：今次去大澳，真係領悟咗一個道理，影咗兩年幾相，成日都係覺得有陽光普照咁先靚，唔好天就無心機影相。經過今次，我覺得陰天都唔錯丫，無咁熱，影嘅嘢又有唔同嘅感覺！唔通
幅幅相都藍天白雲咩！
狐狸姑姐 2008-09-13 01:20
我是DoCa 2008-09-12 20:16
係我同你拍拖之後影相搞到啲鞋爛晒！點計先？？？
何仁仔2008-09-13 07:41