仍在忙碌中

好耐冇update個blog喇.....完左套劇,都依然好忙,但又好enjoy喎,真係犯賤

之前on show前兩日,都偷左個晚上去睇Sound of Music,看之前也沒有抱太大期望,真係純粹因為Gus有份做先去睇,常覺得原本英文的歌詞變了中文版,多數都唔會好聽,但這次很有驚喜,填得好好呢,一點也不覺得勉強,特別喜歡"Do-Re-Me"依首既詞,「道(Do)理班我鍾意返, 離(Re)別要夾定時間, Me發音像貓在玩, 化(Fa)個妝出街上班, 鬚(So)留長直到腳板, 衲(La)仍留在我手踭, Tea(Ti)成為人人習慣.....」岑偉忠既詞果然厲害,甚為欣賞,不枉佢花了10多年的時間修改再修改另外,也很欣賞一班修女,每個都唱得好好,好靚聲,這個當然也包括Gus啦,因為佢今次扮演了幾個不同角色,包括Rolf,神父,賓客,同埋修女呀....至於黃宇詩,佢把聲其實好靚好好聽,但唔知係咪第一場既關係,有點緊張呢,把聲唔係太穩定....總括來說,都是欣賞這劇的.

完場後,當然唔少得要同Gus影相啦.....

這是妹妹做給Gus的 special edition襟章~~~

完左套劇後, 27/8終於有機會睇左場band show"搖滾復活".....正呀!!!野仔,Dear Jane, Zarahn都是我喜歡的樂隊,每隊落力的演出,睇得好興奮!!!但場地既音響就麻麻喇~~~

30/8也終於去了一次沙灘喇.....但依家石澳d水真係好污糟呀,勁多垃圾,下次都係去半月灣啦~~~

最近開始,每星期上一堂聲樂,要真係學懂唱歌真係好難呢....仍在努力中 

尋晚開始上第一堂敬拜神學課程,見到內容都好豐富,好有興趣繼續上落去,其實每個星期返教會去敬拜,有好多野自己都忽略左,當中既意義亦唔清楚,希望透過這課程,可以認識更多,讓自己更能明白敬拜當中既意義,更能投入當中....

我嚟緊又有劇做喇,係深水埗區節活動裡面其中一個約20分鐘既短劇,多謝健文再俾機會我做戲呀,好開心呀,嚟緊又有得排劇 

還有,11月初我將有機會第一次做婚禮司琴呀,好興奮呢,謝謝雄哥咁信得過我呀,所以嚟緊都真係要俾時間練琴喇....另外,PretTyPekKi accaPpella亦會再次現身雄哥婚禮作獻唱,即係話我地又要開始練習喇!!!久違了的accappella,好期待呀~~~

yeah!!!充滿能量去做喜歡既事