7月18日 疾病的身影

朋友D 老婆大病未癒，已經第六日，佢投訴急症室服務參差。其實睇急症就好似見工面試咁，要講臨場表現、Passion、演技的發揮。講番正題︰

自己身體唔算FIT，但都算少病，大約一年睇一次醫生，所以上年的病令我十分難忘。

2007年初春，身體間中感到無力，有時食完午飯等電梯返公司時，都要扶住小休一下，由於唔係經常發作，呢段期間我照常返工，未有去求醫。

呢間公司我做了四年，入面的同事我全部認得。但係我病呢段期間經常發現有人影走入洗手間。

初時我不以為然，以為同事/訪客內急。但幾次之後我發現唔對路，因為每次都係黑衫的XL男性身材，我公司女多男少，男同事因形象問題亦唔會著黑色衫。有一次我追入去，發覺係無人。我只能夠解釋係錯覺，或者佢去咗另一個性別的洗手間。

直至某一日，我幫一個開鋪頭朋友印海報，印了幾張都錯。本打算返房再拎幾張畫紙，但一出門口眼尾又見到一人影行入電腦房。以為同事入去做野，心想了一會，生怕被八掛同事知道我幫朋友。於是追返入去LOCK機，點知入到去係無人...........

件事直到我頂唔住入急症室打了一針，好番就再見唔到呢啲人影。