生bb

又係食飯時的對話...

德德: "媽媽, 點解你會生bb既? 點解生芯芯既?"

媽媽: "因為你出左世之後我地覺得你好得意, 好喜歡bb...我地生芯芯, 係因為以後爸爸年紀大, 想你有個伴... blah blah blah....."

德德 (聽到呆呆地): "咁你再生多個bb啦!"

媽媽: "吓, 好大件事喎..."

德德: "你下次生bb, 我著波鞋去五樓探你呀!"

媽媽(忍住笑): "點解要著波鞋既?"

德德: "我今日都著波鞋, 因為波鞋靚呀嗎!"

媽媽: "哦, 原來係咁~ 咁如果我再生bb, 你想要個弟弟定妹妹呢?"

德德: "er...要妹妹呀"

(這時表哥插咀...話佢己有妹妹啦...)

德德: "er...咁要弟弟啦..."

媽媽: "我生個弟弟...佢會同你搶玩具個喎, 你比唔比你d玩具佢玩先?"

德德: "唔得, 唔比呀..."

媽媽: "吓, 唔比? 咁佢咪好慘囉!"

德德: "係呀, 咁都係唔好生啦". (好現實呀!!!)