忠忠生日會篇 & 大陸揼骨篇

又到亞忠生日..例牌節目~ 唱k..例牌地點~旺中..例牌人物 ~ 壽星忠..亞鄰..雲雲..小寶..咀咀..泵泵..亞健..男sam..亞言..我..

由於o係公司太忙..全日都冇食過嘢..放工o既時候餓到手震腳震..仲要返屋企攞樽好似石頭咁重o既咸檸檬出去..唉~冇計啦..壽星仔話要..辛苦d都要攞啦..

去到目的地第一件事.~.喪食..食飽飽..傾吓計..切蛋糕..影吓相..就開始玩吓d大圍o既遊戲..我發覺我地依家好鍾意玩一D動作o既遊戲..可能因為可以全班人一齊玩啦..笑就一齊笑..嗌又一齊嗌..好開心..以前出去玩..總係會分開幾堆人玩..各自各私片..一D氣氛都冇..依家每次出去都差D笑死咗..不過都係多得班笨蛋朋友..玩一個遊戲玩足幾年都可以玩成咁..真係笑死人..唔知果對低能姊妹花仲要玩多幾多年先唔駛比人恥笑呢..哈哈..仲有一條粉皮..中途偷偷地走咗以為冇人知囉..下次出去要加多條新例.~."凡偷走者罰款一千元"...睇吓仲有邊個敢偷走

泵泵因為太攰..提議返大陸揼骨..竟然又有好多人贊成喎..每次刻意約埋一齊返大陸都一定去唔成..次次去邊都係要玩即興先去得成..真係吹脤..三點埋單走人..行去太子搭皇崗巴..

骨精名單.~.忠..鄰..寶..咀..泵..我..

今次再去世外桃源..價錢合理..環境優美..技術都算ok..不過不失..今次個技師手勢又幾好喎..不過唔夠大力..經我幾番提點之後..好似食咗仙丹一樣..博老命推呀推呀..非常好..

按到八點幾..好鬼眼瞓..好想瞓醒先返去..但係有人要返屋企交人..所以就跟大隊返去..

係咪男人天生比女人大方呢?..我地果班先生完全冇奪命追魂call我地呢班太太返去...人地o既太太差D打爆咗部電話..真係戥佢可憐...亦都覺得我地呢班太太們好鬼幸福