做節+人貓聚會

由於天氣太凍o既關係....懶病發作...所以咁多日都冇update個blog...唉~唔可以再咁懶...

28/1  Mon   做節

瞓到下晏先起身...今晚同亞爺提早做節...去到亞爺屋企...個個都未放工...得我同佢兩丁友...我都知佢又會施法...果然...佢又施展佢o既迫功...就係迫我結婚...一年講十零次...點攪呀...唉...今次仲駛出絕招...:"你究竟想唔想我飲到你杯茶,我都咁老喇..."..嘩~唔好啩...講到咁...我簡直標晒冷汗......雖然我好明白佢既心態...湊大我地三姊弟...一個都未成家立室...佢又點會心息吖...唉...但係...我真係未有呢個衝動...唔想為咗滿足佢地而做我仲未想做既事...點解做長輩永遠都唔可以比d後生自由發揮...唉~如果我唔在乎佢...我就唔會咁煩...就係因為在乎...攪到呢幾日不停咁諗...最後,,,恕我不孝...我未能做到...有點內咎...

等大伯,伯娘,細佬,哈利...到齊就出去食飯...近年...同埋大伯佢地做節食飯已經成為咗指定動作...因為佢d仔女一年都未必會過嚟同佢地食一次飯...好可憐,,,所以我同細佬盡量滿足佢地...

食飽飽就返媽咪度幫佢染頭髮...就嚟過年...幫佢扮靚靚...好彩媽咪冇迫婚...成晚都係傾我最有興趣既話題~湊貓經...仲要多謝我媽咪...遺傳咗鍾意貓既基因比我

29/1  Tue   四個人+三隻貓.....一個歡樂既晚上

今晚...我d仔女既契媽咀咀..carol...bom上嚟探望受咗傷o既哥哥...亦順理成章成為咗1234號聚會既日子...傾吓食吓同d貓仔玩吓...已經四點幾...契媽走先...bom姨瞓着咗...得返我同carol繼續吹水...一傾就朝早7點幾...終於散band...可憐既carol要晌極度寒冷兼落住毛毛細雨既天氣低下...山長水遠搭車返馬安山...

今晚好開心...無所不談...哈利...亦都難為咗你喇...要帶住耳塞瞓(哈哈...其實如果冇carol...佢唔會帶耳塞)

   轉自哥哥心聲: 

我今晚好開心...有好多人上嚟探我...有講野好大聲既carol姨姨...有講野好肉麻既bom姨姨...仲有至愛既契媽 (因為有禮物...所以係至愛)hehe...多謝契媽...不過你份禮物好似明串我喎...明知我隻腳仔跛咗仲買呢份禮物...又益咗大肥...

兩契"深情對望"...好溫馨...