新一年新開始

大家好呀,首先祝大家新年快樂呀!希望新既一年大家都有好既開始..好開心,今次係我第一次寫blog,其實寫blog唔係突然之間想做既事,係諗咗一排而自己冇去做既事,以前成日諗,寫日記係會寫自己最私人既野,點可以公諸同好呢,但係經過長時間睇其他人既網誌(不論認識同唔認識既人),我改變咗自己既諗法,原來寫blog有好多唔同既意義,有d人會將自己既心事全部寫低,唔理有冇人睇,有冇回應,都堅持每日寫,我諗目的係將所有野放晌個blog度總好過放晌個心度..又有d人會寫得好精彩,好似劇集一樣,令人有種想晚晚追住睇既感覺,好有娛樂性,而我自己寫blog既原因,或者係因為想同自己既好友保持緊密既聯繫,就算唔係成日見,唔係成日聯絡,都可以知道對方既近況,可以了解多d,親近d..

有一位好友,好耐冇見,好耐冇講電話,對上一次見,佢問咗我一句:"點呀你?心情好返d未?"雖然只係一句,但感覺好warm,原來佢睇其他朋友既網誌知道我既事,所以諗一諗,我諗冇一個溝通方式比呢個方式更加好,希望晌呢度,我同你地會了解得更深.