產前抑鬱續習... ＠.＠''

係尋日又發左一個怪夢，但我今次知道點解會咁啦．．都係自己攞黎既．．．

今次既就係異形＋HELLBOY＋奪泰國恐怖片既混合，　我都好厲害架，　我混合埋一齊係尋日先發出黎，　所以仲特別．．．而我睇緊呢兩三套片既時候，　亞B佢都有反應架，　係咁踢我，　但唔知佢係興奮定係反抗呢．．．．但我一於好少理，同佢談判左一陣再隊埋支奶奶俾佢飲，　咁就攪掂左佢，　嘿嘿．．

而今次個夢就無亞B份啦．．．

話說我又回到中學時份，　但今次無左上一次提及既中南同學仔，　而今次擔正主角既係”皇上”　啦，　都唔知點解係佢架，可能上一次佢之戲份唔夠重，　俾亞北極熊搶哂風頭，　所以今次佢偷偷走左入我個夢度大展身手．．係夢入面，　我同佢係朋友，　我帶左一個女性朋友上左另一個朋友K仔家，　但唔知點解，　佢地兩個連埋隻”貓”係我面前死左，　而死因係我隻手指有”山埃”毒．．＠.＠　當時我唔驚架，　仲好冷靜咁將佢地坐好，好似要做佢地未死咁，　之後我就走左去搵亞皇上回合。　

我去到一棟大廈" lift" 口，　見到皇上，　我地是相識但不能相認咁，　佢對住個”lift" 口講野，　但我又唔太明佢講咩，　我走行過去問佢講緊咩呀，點知一個轉身變左”Hellboy" ,但係佢係綠色既．．．．．仲多左兩隻手添．．而係"lift" 口就突然飛左一隻怪物出來，　佢個頭係異形，　但身係人類，　我望多兩下先發覺原來佢係被我殺左既朋友K仔, 佢變左一隻怪獸呀．．佢地係咁打．．攪到我眼花瞭亂．．但我個心知亞皇上係唔夠打架，　所以我係旁邊起咒，　落左一個”催命符”既泰國降頭黎幫佢，　當我地一齊起咒時，朋友k 仔灰飛煙滅．．．．永不超生．．

今日起身既時候，　我覺得我應該去投稿，　睇下有無人識得欣賞我先．．嘿嘿..

亞B，　今次預埋你個份啦．．．呵呵．．．