革命成功!!! 各位有禮呀~~

Hi, 各位靚仔靚女, 我終於都出世啦,你睇下我似肥仔多d定係靚媽多d呢...嘿~~

好啦, 以下到我媽咪同你地分享下我出世既過程啦.....

唉...生呢一隻野真係辛苦到我....唔知點形容, 但革命終於成功啦...值得既!!

二零零八年十月十五日早上10時, 剛好37週, 回到威爾斯覆診, 因羊水跌到得番兩格, 所以醫生都係建議入院催生, 因為怕佢有危險, 係無得選擇既情況下, 我一定要跟從!! 訓定之後, 醫生立即來幫我檢查同埋放左一粒"催生藥" 係我下面, 目的係想佢開度數同埋穿羊水, 會有肚痛同穿羊水既情形出現, 我收十好心情, 靜靜地等待它的來臨....

二零零八年十月十五日下午16時, 仲未見反應, 醫生建議放多一粒, 加重藥份......到左零晨時份, 終於都有d反應, 開始肚痛, 痛楚情度急劇上升, 但始終都未穿水, 但呢一個演習都幾係野, 痛左成晚, 到左清晨就無事啦, 終於有得訓啦, 個人真係好累下.......

二零零八年十月十六日中午12時, 到左中午, 醫生見我有d反應, 建議 放多一粒, 睇下佢可唔可以自然穿水都開口, 咁就可以唔駛打"催生針" 啦, 都好呀, 又放多一粒...... 等呀等呀等呀...竟然無反應!! shit !! 浪費左一日, 但醫生最後決定都係排我落房打催生針!!

二零零八年十月十七日, 又等呀等呀等呀...... 當然啦, 政府野係慢架啦, 加上, 有好多都係穿哂先水入來, 都差唔到生得咁滯, 而國內同胞又多, 真係...唉...一個字 " 等" !! 

到左晚上八時半, 老公係度陪緊我, 突然收到通知有位俾我落啦, 我個心情好緊張, 好快咁, 我地收齊哂d 野就落左去啦, 我老公係出面等通知先可以入黎, 我訓係床度, 醫生行來用一支野吉由我下面吉穿左我個貽, 我feel 左一股暖流沖左出來, 但唔痛既, 而左手1開始打鹽水, 而係呢一刻, 我地要等待佢會唔會自動開口....而醫生建議肥仔先回去, 因為睇情況都要明天朝早先有反應....咁我用左佢地既電話叫老公先回去....明早才來...

等呀等呀....到左11:00 醫生都說落針啦, 睇下有無好轉, 我訓下又醒下, 開始黎料, 個一種痛係由M 痛開始, 好痛好痛好痛.....痛到我四支無力, 叫唔出聲(因為無水飲), 天旋地轉, 個人真係處於昏迷狀態, 開始發熱, 發冷........呢一種痛苦直至到早上7點, 醫生來見我, 初時以為開左好多, 點知醫生同我講只係開左一度多.....暈啦....佢地叫我老公都唔駛來啦, 痛多一日到啦..唉..個一刻有想過放棄...但....我忍....我一定可以忍到, 就係咁, 我堅持呢一種信念, 到8點多, 醫生見7無進展, 決定放棄我, 用無痛分娩, 我死寧頭, 但佢地竟然唔理我,仲幫我放尿, 我無力反抗, 好彩, 有一個醫生行來再幫我睇下, 原來都開左4 , 5 度, 咁佢地又放開我, 由我自己一個係度等, 佢地仲要係熄哂燈...個一刻, 我半分迷地苦叫, 成身出哂汗, 沒完沒了......

到左九點半, 眼前一亮, 佢地番來啦, 再幫我睇下, 終於開到八度, 可以試生啦,我用我緊有的氣力, 配合佢地既指示 , 用力用力再用力........終於見到亞B個頭啦, 佢地叫HOLD 住, 要幫佢先吸走羊水, 之後又用力用力用力.........."呀"一聲, 我除左聽到亞B既叫聲之外, 仲FEEL 到一股好暖既野流左出來, 而我成個人趺留落張床度, 眼光光望住天花板..四周都好似靜哂, 無哂聲, 醫生讚我好叻, 用左四個字就生左佢出來, 係呢一刻我先醒覺, 原來我無CALL我老公來...唉...

經過一場激戰, 我都唔敢再回想....不過, 真係一個好好既經驗..姐妹們, 你地努力啦..我都要休息下.....