閃亮亮聖誕~商場四維逛

呢兩星期，馮心嗂穿梭大小商場，感受下聖誕節日的氣氛，重要係佢一見到啲公仔就超級興奮，例如聖誕老人、雪人、聖誕樹、聖誕鹿同聖誕燈飾(見到發光嘅燈燈就好似大人見到發光嘅黃金一樣)，真係隻手指不停止，好唔得閒，不過有兩樣唔應該係聖誕節出現嘅動物最令Hazel B興奮，第一隻應該史路比了，佢最近係沙田大搞Show，因為史路比個樣實在唔係太似狗，不過爸爸好喜歡(而媽媽就喜歡多啦A夢)，所以Hazel B唔會叫佢做“Dog”，

兩星期前就同媽媽、Yanni姐姐、Shan姐姐同Joey 姐姐玩個痛快，細細個舞台，走到氣咳(氣咳係跟住心嗂B的4個大人)，

仲係啲玻璃廚櫃玩捉迷藏，真係物盡其用，笑到佢個樣好似有金執咁，兩日後馬不停蹄去咗apm，今次見到嘅係某品牌嘅鴨仔，一見到就撲埋佢猛喊“Duck”，完全好似失散咗好多年嘅朋友撲埋佢，好似好friend咁！

上個星期轉戰屯門市廣場，今次見到仲離奇，係一隻羊，但心嗂B對此好受落，玩到差點唔記得咗媽媽爸爸係邊，

星期日再走去沙田多一轉，似乎Hazel B嘅興奮程度絕對無減退，今次爸爸有份同心嗂B一齊去玩，見到個女咁搞笑，梗係捉住同佢影相，現在佢一聞歌就起舞，簡直遺傳爸爸嘅細胞，呵呵呵！

記得上年帶著一頂oversize嘅聖誕帽，諗住今年攞番嚟用，點知今年竟然唔啱帶，小朋友一年成長可以好快，亦經過了感恩的一年，亦謝謝大家的同行，在此同所有認識我們的親朋好友，教會弟兄姊妹說聲聖誕快樂，主恩滿溢！

Hazel wishes you a Merry Christmas
Hazel wishes you a Merry Christmas & a Happy New Year!

聖誕節行程緊密，23號食自助餐，24號全家平安夜，25號下午返教會參加福音Awana Party，晚上到婆婆家開Party，26號Kitty契媽結婚大喜日子，27 號參加媽媽姊妹浸禮，嘩，真係停不了。