愛在中秋

中秋節Hazel B都同我哋一齊慶祝中秋節，今年有好多人買燈籠俾心嗂玩，有Kitty 姨婆嘅多啦A夢、有Ava姐姐嘅鴨仔、有Grandma嘅甲蟲仲有爸爸買俾佢嘅傳統燈籠，謝謝各位喔！真係玩3、4年都玩唔哂！

10月1日去完沙灘玩就去咗Grandma度同姑丈姑姐度食飯飯，Hazel B呢晚被我哋發覺佢似乎好認人了，佢見到姑丈好驚，完全俾唔到反應，表情交唔到貨，呆咗，要玩咗好耐先可以好啲，而佢又好受姑姐，莫非同爸爸有相同特質，嘻嘻！

試在兩張相片找出一個不同之處

最近，爸爸發現多咗一個家庭成員~就係波兒，當邊個一叫心嗂B搵波兒，佢就好快咁搵佢出嚟攬住佢，連影全家幅都有份，真搞笑！

星期六就去咗公公婆婆度，呢邊就熱鬧了，因為有表姐同表哥同佢玩，當大家食完飯後，心嗂B先開始食粥，但佢發覺表姐同表哥已經落樓下玩燈籠，而媽媽又封鎖佢等佢安靜嘅環境食嘢，點知食到一半已經喊哂指住房門要同媽媽講"街街，街街！"

真係街街重要過爸爸，嘻嘻！

落到公園就立刻開心哂，周圍行周圍玩，當然佢拿著最鍾意嘅燈籠~爸爸買俾佢的一個，當然唔係一廂情願嘅諗法，查實佢鍾意嘅原因係因為似住所大堂掛個款，佢日日返屋企都要爸爸媽媽俾佢點下，有相為證喔！

之後連公公都落嚟湊熱鬧，玩玩下心嗂B已經自己周圍去啲小朋友身邊想玩埋一份，佢真係"愛在中秋"！

如果落去玩只可以係中秋，無需用哂口罩避豬流，
如果嗂是今晚盡玩透，怎會...想走？