著上幸福的忙碌星期六

今個星期六心嗂B著了好錫佢嘅姐姐嘅衫衫出街街，裡面個件就係爸爸舊同事Eryn姐姐送俾Hazel B一件一家3口嘅T-shirt (Jesus loves us)，外面就著住Amy Lee姐姐、Jeannie姐姐同Melody姐姐送嘅外套，外套上繡咗“HF”- Hazel Fung嘅簡寫，兩件都好靚喔！

當日嘅Hazel B就特別鬼馬，嘻嘻！

早上跟爸爸媽媽去飲茶茶，呢個少女好鍾意坐係窗邊可以望街街，表情多多，唔知以為佢拍緊戲，感謝主喔！佢竟然食完奶奶訓著了，爸爸媽媽可以真正嘆茶。

之後換套衫衫去咗playgroup玩遊戲同唱歌仔，佢最近同Miss Cheryl好似好熟咁，唱歌仔時要坐前排，經常走出去搶Miss啲故事書，到玩玩具嘅又一馬當先，真係俾佢笑親。’

玩啲音樂樽樽就最耍家，至於做手工，都係由媽媽幕後代做，嘻嘻！

最興奮莫過於玩紅綠豆，將好多紅綠豆灑係地上，

之後仲想到儲存區度找玩具，結果無功而還。

因為時間關係，嗂不停蹄咁出去沙田返教會，諗住見下座堂嘅哥哥姐姐影下相，點知佢哋好多都去outing，不過都見到曉蕾姐姐、Ida契姐、Yanni姐姐同Sandy姐姐，好耐冇見了，大家都好掛住對方！聽聞好多由佢識行開始已經未見過心嗂B，希望之後可以之後見多啲，忡有契媽喔！

星期六真係忙到同返工無分別，但每件人事物都值得開心，每個都係馮心嗂的愛愛！