3 週年的3人行

而星期四晚上爸爸就同一班弟兄去咗足球比賽，結果勝6比1，經過4個半月來的聯賽提早一周贏得第一屆沙浸足球聯賽冠軍，真的感謝主！相信當中大家經歷天父。

嘻嘻其實上星期四係爸爸媽媽結婚3週年紀念，當晚爸爸踢波前都有一起晚飯，不過早在星期三爸爸媽媽就去咗尖沙咀燭光晚餐行下街，感受一下啲戀愛。

而自從媽媽懷了Hazel B以後，爸爸都沒有再送花給媽媽了，於是爸爸星期一放工後親自到花店選花，星期四當日送給媽媽。而爸爸送給媽媽的花都是自己親自挑選和配搭，盼望每一次都有點心思和驚喜，而今次選了美國紫玫，是星期一及星期四才新鮮的，意思是迷人令人心動，而Hazel B就對啲葉興趣大啲，嘻嘻！

現在爸爸當了小學老師確實忙到飛起再飛起個隻，Blog嘅產量亦持續減少，但仍會繼續，因為心嗂B好掛住每一個錫佢嘅哥哥姐姐，而哥哥姐姐都掛住Hazel B，近來Hazel B係好喜歡餵爸爸媽媽食嘢飲嘢，搞到大家都好唔得閒，嘻嘻！但又好鬼warm！但要有心理準備連口水遞給你，呵呵呵！

星期六是我們一家3口相處最多的時光，而playgroup就更是消遣節目，心嗂B最近學識嘅歌會常常用BB話係度哼，唱到好似超級無敵估歌仔咁，Hazel B係playgroup 是較為活躍及多走動的小朋友，即係“甩繩馬騮”，因為今日playgroup有得試朱古力，心嗂B梗係唔放過啦，食到個咀咀烏卒卒，跟住去做手工，即係爸爸媽媽做手工自己再加一個高難度就係捉住心嗂B隻手做，難度糸數係3.3，結果呢位小朋友一做完就好似甩難咁走，真係唔知道邊個甩難，呵呵。

點解我哋3個都入鏡，因為Grandma同Kitty 姨婆睇心嗂B上playgroup，謝謝佢哋兩個當攝影師喔。

之後爸爸就因工作的需要閉了關。