網誌分類：心嗂成長篇(09年10月) |
圖片
網誌日期：2009-11-09 01:04
馮心嗂無論真人定部落嘅佢好耐冇見大家了，而爸爸接獲了多宗涉及心嗂粉絲沉悶同期待嘅投訴，但代言人會盡量填補之前部落的空缺，因為記下心嗂Ｂ的一切，好讓記下天父的恩典。
查實部落延期發表因為兩個原因喔！一就是爸爸進入了一間正規小學工作後，確實十分忙碌，需要適應和與時並進，真的連與心嗂B玩玩的時間都沒有喔，但仍樂在當老師，感謝天父帶爸爸到這裡來，與一群小學生一起成長，當中苦與樂確實令今日的爸爸回味。
第二個原因是心嗂斷斷續續病了兩個星期了，當爸爸媽媽做好了工作正想半夜休息的時候，心嗂就喊得好厲害，往往零晨3、4點才入眠，有兩日更流鼻血，相信佢應該好唔舒服，感冒發燒有咳有痰包羅萬有，現在總算好了好多，求天父保守Hazel B及相約年紀的小朋友，讓他們遠離病菌。
等我哋追溯下心嗂B兩星期前啲生活先啦！
兩星期Hazel BB去咗公公家玩，爸爸好喜歡姑姐送俾心嗂Ｂ呢件衫衫，好cutie又colourful，而Hazel B又老實不客氣，其實當日Hazel B已經有啲唔舒服了，而爸爸就因為參加一個弟兄的婚禮，沒有跟Hazel B一齊。
婆婆姨姨大家好掛住Hazel B，所以星期日佢哋入咗嚟屯門探Hazel B同爸爸媽媽一齊飲茶茶。嘩今日被安排入貴賓廳，而間房就只係得我哋一家人，簡直係 so good！而我哋呢段時段同心嗂Ｂ好似戶外上堂咁，短短一餐茶可以學懂兩、三樣新指令，確實開心到飛起！
過了呢個假期，Hazel B就要剪髮了。小丸子造型隆重登場。
（待續）
