網誌分類：心嗂成長篇(09年8月) |
圖片
網誌日期：2009-08-30 00:31
星期五馮心嗂豬豬同Kitty 姨婆同姨公再加Grandma一齊去市中心行街街，呢位外向嘅小BB現在好知道出街前著鞋鞋，以往會反抗，現在會乖乖被你著，因為之後會去街街，仲係未識講爸爸之前識講街街，真係無奈。
Kitty 姨婆姨公同心嗂B幾開心三人行，而呢日佢著爸爸覺得其中一件好可愛嘅衫出街，係大伯娘送嘅，佢真係有眼光，買龜龜衫俾佢著，哈哈，因為爸爸好鍾意龜龜，
佢個樣老積到痺，好似同姨公傾緊計咁，行路個樣又懶醒，好想好快咁行到去鞋舖咁，真係俾佢笑親，
佢個CUTIE 樣氹到姨婆姨公開心到不得了，結果姨婆買咗對Dr. X嘅學行鞋俾佢，真係錫到佢燶。
到要學行嘅時候剩係識得企係度，到度笑騎騎，唔敢踏前一步，加油喔！好多人支持學行喔！
之後去咗玩玩具，又幾似模似樣咁喎！
