Hazel B一家失蹤 ~ 因為B模發燒了

呢個星期，點解心嗂B一家失蹤了，因為星期六下午心嗂B開始發燒、流鼻水、咳嗽同有痰，噢，佢個唔舒服嘅樣子比起佢兩次手術後都嚴重，體溫徘徊一百零二至三度，連日來3個人都冇咩點訓覺，之前真係想去搵BB語言專家，可唔可以明白心嗂B啲BB話有幾唔舒服，感謝主的看顧，謝謝大家的禱告，心嗂B昨天下午終於退燒了，鼻水亦收了許多，現在仍有咳嗽同有痰。

真係唔知係咪佢近排活動太多，操勞過度，終於病到了，食唔安，訓唔著，個頭熱到可以煎蛋，佢可能係時候要休養生息下，暫停一些宣傳及出訪做親善大使嘅活動。

呢個開心大使上星期五就同Grandma、Kitty姨婆同姨公一齊飲茶茶，未出發之前就係屋企好似無所事事，悶悶不樂咁樣，一出去就成個人生哂，同Kitty姨婆同姨公玩得幾開心。

晚上因為在日本工作的堂兄回港同文諾哥哥放榜，入嚟搵Grandma食飯，心嗂B又換咗第二個look，依家嘅Hazel B一見到燈燈就指住叫我哋一齊睇，唔知道以為佢學城城唱：Generation Next！

順便一提，當晚條東星(真係東星，唔係西星)係水準之作，絕對係好食過好多飲宴(可能爺爺、三伯公、大伯爺個一輩都係做廚師，所以食魚都比較多)。

星期六早上一家3口去YWCA(媽媽工作的地方)聽幼兒講座，而心嗂B就去媽媽工作嘅地方坐下，你睇下佢幾神氣。

個講座好好，讓爸爸同媽媽多啲了解怎樣有系統教養新一代食DHA多過大人食鹽嘅小朋友。

下午一家人同爸爸啲舊舊同事相聚飲茶茶。大家相識係同一個機構，係第一代同真心付出唔計較的同事，由認識時未拍拖到結婚，到現在大家有小朋友，大家都會半年聚會一次，但仍然好close，好開心見到大家離開舊機構都找到理想的事業或工作，雖然分開唔能夠再一齊工作，但永遠是朋友。心嗂B就由頭訓到落尾，之後專登叫醒佢影相，但原來已經開始唔舒服。

去到婆婆到食粥見佢無胃口，所以立即回家帶心嗂B睇醫生，佢已經唔舒服到唔反抗醫生做什麼，真係擔心到飛起，做人父母先知道做父母的辛勞和心機。