謝謝你們的愛~Boxing Day 上集

首先再次謝謝大家出席生日感恩會，同行的感覺相當窩心，還有謝謝你們的禮物，真的唔好意思，要大家破費，但見到每一份心意，知道大家都好錫心嗂B，所以讓心嗂B同大家送俾佢嘅生日禮物影張相，等佢長大以後知道哥哥姐姐同叔叔姨姨有幾錫佢，點解係上集，原因係有部份禮物我哋唔知道那個錫心嗂B的人送俾佢，所以我哋定了Boxing Day 上集，嘻嘻！

生日會後都忙著，星期五亦因為心嗂B正日去了海浪公園，直到上星期六一家3口可以一次過咁細看大家嘅心意！當中有好好玩嘅玩具(如果阿女唔玩，阿爸阿媽都想玩咁就為知好好玩了！)，有好多好靚嘅衫，真係讓小公主日日都好似去飲咁，有聖經、聖經書藉或者音樂禮物，亦有BB食物，有啲爸爸試食過(因為碎了)，確實幾好食，嘻嘻！

不過有幾份想係度介紹一下，可能未必係心嗂B心水至愛，卻是較另類的禮物。本身送嘅人可能都係另類喔，呵呵呵！

第一份是來自Awana靚女3人組的禮物，爸爸媽媽大膽估計佢哋應該係Hazel B嘅忠實粉絲，單睇佢哋造個張生日咭已經見到佢哋心盡心思，緊貼Hazel B嘅生活照，做得精美，跟住送上嘅衫竟然繡上 “HF”嘅字樣，HF咁嘅簡寫通常係英超球會啲波衫見到，莫非HF呢個女球星已經加盟一隊足球隊？唔知呢個品牌遲啲會唔會推出市面，爸爸媽媽要做佢經理人喔！

第二份來自YWCA嘅同事，送咗一塊刻了我們一家的畫像，好似真嘅一樣，連我哋都想知道呢相幾時拍！最重要是基督是我家之主，對，確實如此！第3份是另一個藝術家阿豪哥哥所畫嘅畫冊，如果我哋一家出書，一定要找佢幫我哋畫插畫，連爸爸最俊俏嘅一面都表露無遺，仲有佢送俾心嗂B嘅生日帽都係畫中，好靚喔！

第四份係Awana火光營嘅導師哥哥姐姐送嘅一式三件嘅隊Tee，真係好鬼搞笑，下面個句說話又有意思，但點解阿女件衫係心心圖案，我哋好似廣告商加個WIN字上去咁嘅，請問設計者有冇嘢解釋呢？

之後我哋發現一份唔屬於地球人送嚟嘅禮物，係應該嚟自火星，係一個腳印同一個手印，噢！原來係Marie 姐姐係星光大道打嘅手印，謝謝你喔！

最後係上集提到的是一份好有意思嘅禮物，係Ida契姐送俾佢嘅禮物，或許心嗂B現在冇得玩，卻係一生受用，初時Ida契姐俾爸爸時話份禮物好貴，但手上是一個相架，以為係LV度買，但唔係，而每個人都需要嘅L..O..V..E，相架上的一句也是爸爸媽媽好想同心嗂B講的

“願妳學習與別人分享耶穌的愛，因為妳從小就已得著這份愛”

還有一份特別的禮物，雖然不是送給心嗂，但這份從天上而來的禮物令我們一家最開心，是送給顯望的(詳情可看生日感恩的那篇文章)，因為自從鄒醫生同顯望做完補顎手術之後已經14年未有再見面，但藉著天父的安排，我哋3個單位聚在一起，相信Wendy 姨姨一家都冇想過天父讓鄒醫生再一次見到顯望時，之後立即約見顯望，因為鄒醫生見到顯望上下顎的距離比一般患者大，需要盡快做手術調整過來，過多幾年便遲了，真的感恩，天父使用這個聚會讓顯望有機會接受一個好重要嘅手術，在這裡都懇請為這件事禱告，讓顯望能夠接受天父賜予最合適嘅方法調整上下顎的距離。