怪談 --- 幻聽貓咪

由於囡囡近期出現了一些怪異的行，因而出現了這段驚心動魄的對話：

發仔：囡囡，近日你好似有D怪怪地？

囡囡：無呀．我無事呀！

發仔：唔係喎，我明明見到你有時行為失常，有時就自言自語，好似撞鬼，如果你有事就唔怕同我講喎，話晒我係貓界o既Reiki Master，囡囡你有事，我一定幫你喎．

囡囡：Um……發仔哥哥你係咪幫到我o架？

發仔：緊係啦！

囡囡：發仔哥哥，事源係錦o既，前排有一日我聽到D古靈精怪o既聲音，最初我無理佢，但過咗一兩日之後，把聲音又再出現，而且越來越大聲，真係煩死貓．

發仔：囡囡你聽到D乜呀？

囡囡：把聲音好似係一把阿毛（老女人）的聲音．佢話佢係動物界o既問米婆喎．

阿毛：BB，BB，你聽唔聽到我把聲呀？

囡囡：我唔係BB，你搵錯人啦！

囡囡：我已經話咗俾佢聽我無嘢同佢講o架啦，但唔知點解自從佢聽到我答完佢一句話之後，就日日來煩住我．

發仔：係呀係呀，好緊張呀，阿毛仲有無講咗D乜呀？

囡囡：有一次我鬧鬼佢，阿毛你唔好再白撞啦，我唔係BB．我唔知你阿毛係何方神聖，亦唔知你係人定係鬼，但請你急急如律令，請你快D消失！

發仔：嘩……o禁激！唔怪之得囡囡你有時自言自語錦o既樣，十足十邪靈付身o既樣啦！之後阿毛仲同你講D乜呀？

囡囡：個阿毛都唔方係好人，我鬧咗佢o禁多次，佢都重要來煩住我！阿毛話為咗交差，如果我唔答佢問題，佢話會煩死貓為止喎！

囡囡：阿毛，你要交差關我鬼事咩！

阿毛：（細聲講）這是我的工作，現在我無需要得到你o既同意！

阿毛：（大聲講）BB，我終於揾到你啦，媽媽話好掛念你呀，媽媽有D嘢想問你，你乖乖地答你媽媽啦！

囡囡：發仔哥哥，跟住我就聽到有把女人聲，佢哭泣到把聲音都沙啞晒，真係嚇死我．之後……

女人：BB，我係你媽媽呀，我好掛住你呀！你都走咗七八年啦，我日日都好掛住BB你呀！喱七八年來我搵咗好多個問米婆，今日終於可以搵到你呀！嗚鳴鳴鳴～～～～～

阿毛：小姐，你現在有D乜想問BB呀？

女人：BB你現在投咗胎未呀？BB你有無唔記得媽媽呀？媽媽真係掛死你啦！

囡囡：真係激死我啦，阿毛攪到我鬼死o禁頭痛，於是我就大大聲同阿毛講你個惡魔好快D走，如果唔係我就咬死你．

發仔：之後點呀？

囡囡：我明明都無答佢地D問題，但我聽到個阿毛同個女人講BB現在已經投咗胎啦，做咗隻狗仔，好開心，但都好掛住媽媽你呀，媽媽你要小心身體，如果唔係媽媽你就會病到o架啦，需然BB現在都好幸福，但係都好想同媽媽你傾計，媽媽你千萬要記有時間就搵問米婆來搵BB我同媽媽你傾計呀！之後就收咗線．

發仔：嘩，睇來阿囡你真係撞邪撞鬼喎，但囡囡你唔洗驚，我話晒都係Reiki Master，我幫你作法趕鬼．

囡囡：係咪真係得o架，如果係得就好啦！以後都唔洗聽到阿毛把聲音．

發仔：囡囡你唔信我都信吓爸爸啦！我話晒都係爸爸個徒弟仔，爸爸話遲D教我Sekhem，到時我就更加Powerful，而且水晶屋有o禁多水晶，爸爸一定有D法寶用來治鬼o既！

寵物在世時，我們應該用我們的愛心和時間使牠們得到幸福的生活，寵物離世後，寵物需要接受新的命運，而我們需要鼓起勇氣開心面對每一天，不要讓寵物離世後仍然為我們而擔心，影響牠們新的命運．

而我們應否用任何的途徑與離世後的寵物溝通呢？如果牠們正準備去投胎，可能因為我們的對話而牽動了牠們與主人之間的情感而選擇失去投胎的機會，如果牠們已經投胎了，我們的對話更可能影響了牠的新生活．如果我們真的愛護牠們，我們應該選擇開心渡過每一天，還可以用我們相信的信仰來祝福牠們，這可能是最好的選擇．