生活點與滴--行篇

係日本住左半年有多了,要習慣既早就習慣晒.
係時候回顧一下哩半年既生活.所以特此開一篇新標題去回憶.
暫時會分開四篇,用衣食住行去講一下日本既事.

第一篇講既係"行".
原則上日本既物價好高,基本上差不多係HK既1.5-2倍,當然交通費都唔例外.
先勿論飛機票點平,都要3k港幣左右吧.比起其他東南亞國家已經好貴.
去到機場,你人在機場,雖然都算係關東範圍內,但離市中心 東京有好一段距離.
還要看你在那個機場落機,羽田車資會平d,因為近東京,成田就貴好多.
簡取最平路線大多數係搭京成電跌去日暮里再轉JR吧,這已經係最經濟了,但都要2千yen左右.話說香港搭E車出機場最貴去港島那一架都係港幣二十多元..orz
想快一點搭A車都係$40左右...要更舒適搭機場快線,印像都係$一百元左右...
又或乘塔最豪華既的士.....出市區相信$200左右已經足夠....

去到東京都不代表不用搭車,你出去玩都要乘座交通工具吧.
日本主要係靠鐵路來接通各個地方的,巴士就以接駁短途為主(當然都有長途巴士).
鐵路主要分JR電車,私鐵同地下鐵,JR係國營的,亦係最全面接通全日本的,由九州上到北海道都可以搭JR電車去到.私鐵同地下鐵有d似香港既電車或輕鐵,主要接駁一d JR到唔到既地方.
車費方面.....一個站係130yen起....好貴,香港如果走時無加過價的話,MTR好似$4.5一個站吧,輕鐵就$2.4,電車一律$2....
如果只計距離,由荃灣去到小西灣香港MTR都係$16吧?(不肯定)
日本東京都的話,大約係我家去到東京左右的距離吧,但車費已經要500yen了....orz
不過我有得買學生買,我家同學校來回半年票只要萬八yen,半年內任搭..
如果要買單程,我家去到學校要290 yen.....車費講完了,一句講晒,好貴...

另外日本都有類似八達通既系統,不過佢有兩間公司制作出兩張不同既八達通卡,
原則上兩張卡係唔同既交通工具都係通用的.
一張叫suica,一張叫pasmo.suica 是綠色的(別稱西瓜,日本suica發音同日文既西瓜相同)
而pasmo是粉紅色的.哩兩張卡不止交通工具,好多店鋪或自動販賣機都可以用的.

跟住要講既係日本人搭鐵路既習慣,東京都面積大約係香港既兩倍左右,但人口密度就無香港咁高,不過,東京都作為日本首都,當然好多人係東京返工吧,而人口密度低係因為上班既人打散晒係東京都以外既輪近地區住.
大家可以想像為好多深鎮或廣州既人每日都要搭車來香港返工吧...
所以早上日本既鐵路極之迫,比香港MTR繁忙時間既車箱再塞多一倍人左右吧......
我早上返學係直頭企唔穩的......亦好理解點解日本有咁多痴漢(即專係鐵路內非禮女生既變態佬),因為跟本迫到唔知自己係唔係非禮緊人.....無心既都搞到自己唔好意思.
有心既就不用講....

所以係早 上時間就會有女性專用車箱既出現..繁忙時間會有一架車箱只給於女性用,男性不能上車,就係為左防止痴漢既出現....
今次先講哩這裡完....有機會先再講下其他事吧.