投車牌

上個星期日同老婆仔去投車牌，我地個number都係好普通，一心諗住可以以底價1000元投到，點知我接咗第一口價之後，跟手俾人推到去4000元，咁就俾人投咗去喇﹗

果個人應該係做生意嘅，出咗30個number，佢投咗十幾個有多，唯有再套個車牌去投喇﹗

跟住去咗睇電影，本來想睇畫皮，但係未上，所以就是但睇一套，睇咗一套韓國片”追擊者”，我覺得好好睇，我好耐無睇過一套片咁投入，作為一個警察，我睇到個內容就更加投入。

片中講一個雞頭啲妓女，次次去完同一個地方工作就失踪，以為俾人賣咗，點知係有個變態殺手殺咗啲妓女。後來個殺手俾警察拉咗，但之後放番，最後仲去咗殺人．．．．．．

成套片我真係估唔到咁好睇，夠恐怖有挍笑位，韓國人拍嘅片唔可以睇小﹗