老讓老

讓座是一種美德。唯這種美德漸漸給人遺忘！

最近係地鐵巴士，常見到一些都幾可悲的現象：年輕人同長者爭位坐、爭唔到咀藐藐眼掘掘；小朋友在車廂大嗌好"支力"，有人讓座俾佢都無講唔該，家長一樣唔該都無聲，理所當然的；私人物品放座位都唔俾長者坐......唉！好恐怖！

仲有呀！每朝與樂仔坐巴士上學，車上人很多，通常會無位坐。沿途上車0既人又多而且有很多年老長者，無人讓座已經見慣見熟，但悲痛在年輕學生哥竟無意識和行動讓座。

最離譜一次係前幾日，有一個棟住柺杖0既老婆婆跛下跛下上車，前面那一排原屬讓座的座位，已經給年輕力壯的學生們坐晒，佢0地完全無反應當睇唔到。老婆婆在迫陝的車廂中無奈地向前行，可惜都係無人俾位佢。樂仔望住我說：「媽咪，點解無人俾婆婆坐0既？好危險喎！」我唯有苦笑說：「如果係你？你會俾婆婆坐嗎？」「一定會！」樂仔堅定咁講。摸摸他的頭表示鼓勵！

最後老婆婆幾經艱辛行到近車尾，終於一個老婆婆企起身讓座俾佢。這一幕看得唏噓！老人家讓老人家：教育出了什麼問題？