跑甩肺

陽光普照的一日，和米高帶兩兒到馬鞍山公園玩加留倩影。當天天氣真係好正，一家人開開心心出門去，兩兒興奮到雞啄唔斷，沿途呱呱叫。

和大埔海濱公園比較。地方較小，但環境幾好。係草地上見到兩隻陸地龜，好得意！

深深吸引我和兒子的是那一個迷宮，樂仔一見到個迷宮就嗌住叫我陪佢玩。細B唔肯米高睇，於是拖住細B捉樂仔，點會捉到吖！我跑快D，細B就嗌住停。最後細B頂唔順至肯跟米高。

無後顧之憂就發癲咁追樂仔，佢呱呱叫，我玩到無晒儀態，哈哈！唔係化，追極都追唔到，到到都唔通0既，嘩！搵條老0野0黎攪 ！最終，暫停要抖抖。到米高招呼樂仔......，好少見米高玩得咁放，愛兒的魅力真勁，真係會軟化這條硬漢子，好0野！無幾耐，細B加入戰圈，好呀！

樂仔真係唔識"支力"，又要我捉佢。好！等老娘發吓威先。做0左拚命三郎係咁跑，就係唔信捉唔到你個豆丁。諗到計，我跑跑吓踎低，樂仔點搵我？踎低行一陣，隔一陣起番身，見樂仔左望右望搵緊我，趁佢見唔到，用超快速度向佢方向跑，跑到肺都甩。弊！俾佢見到，兩人就係咁互相追逐，互追的過程好鬼正好刺激，無分彼此，開懷地玩......哈哈，我相信 never give up一定得，捉到。

兩人笑到拆晒天，聲大震天。說真，好攞命好"支力"！但係，趁佢0地仲肯同我玩，又趁自己仲有些少精力，點都要奉陪到底。

只希望兩兒童年快樂，長大時仍記得這個癲喪媽咪，就安慰了！

 感恩你們帶給媽咪難忘的回憶和快樂！

 媽咪好愛你們！