網誌分類：待領養貓貓… |
圖片
網誌日期：2009-06-23 23:47
又post多三隻小貓出黎先，其實我仲有幾隻貓貓未post出黎，因為實在太多太多貓到，post極都post唔完，唉，唔該d人幫自己隻貓絕育啦，一係生左就掉出街，一係養大左又掉出街，生到周街都係貓仔，做極都做唔完，我真係有想死既感覺。
呢三隻小貓都係餵奶餵大架，臍帶都未"luck"就比人掉出街，而家d人真係越黎越陰質。
如可給他們一生幸福，請留言或 olausenlisa@yahoo.com.hk ，大埔睇貓
所有貓貓都會打預防針後才給領養，會收回預防針費每針$250.00(有針咭)，另$150.00領養費(支助貓貓日常生活、醫療費
一對領養優先考慮
青豆﹕兩個月大，女仔，玳瑁色，勁嗲勁貪玩，執佢時病到就死，好彩終於都好番晒。
荷蘭豆﹕男仔，一個半月大，灰白色，好嗲人架
臍帶都未"luck"就比人掉出街，雖然而家未係好靚仔，但遲d一定超靚，因為我小鳯細個比佢醜十陪，而家個個黎到都話佢超靚女。
甜豆﹕女仔，一個半月大，蝴蝶紋，超級可愛
同荷蘭豆同胎，兩隻小鬼生命力驚人，雖然到而家都仲係好細粒，但食得玩得瞓得，都算係咁law。
領養須知
1. 所有領養者必須滿21歲，如未滿21歲，必須經家長與我聯絡及陪同才可領養動物。超過21歲也要有經濟能力照顧到貓貓。
2. 一般動物如貓、狗等的壽命可以超過10年以上﹔在領養前一定要跟家人達成共識，清楚考慮是否有足夠能力、金錢及時間去照顧牠至終老。
3. 承諾妥善照顧動物至終老，不論是私人理由、情侶或夫妻分開，也不會將其拋棄。
4. 動物都是生命，請尊重愛惜牠，不要以牠作為禮物或紀念品送給別人。
5. 在任何情況下，都不會容許牠被利用作繁殖或實驗用途。
6. 要以愛心及獎勵去訓練動物，不會恐嚇或懲罰牠。
7. 承諾會帶牠到認可獸醫診所作定期健康檢查、防疫注射及診治疾病或創傷。
8. 如牠未接受絕育手術，要在其六個月大或發情期前帶牠到認可的獸醫診所進行有關手術
*家裡必需裝上窗綱，預防貓貓跳樓*
決定養小動物前，請停一停、諗一諗
http://www.isd.gov.hk/chi/tvapi/06_ag18.html
http://hk.myblog.yahoo.com/olausen-lisa/article?mid=4104&fid=10
裝窗綱的重要
http://hk.myblog.yahoo.com/olausen-lisa/article?mid=2972&fid=25
請幫忙轉貼，唔該晒
WC 2009-06-26 02:24
對不起，借少少位，幫小貓尋家：
我有一位朋友最近在元朗某地盤附近發現有一隻剛被人遺棄的5-6月大小貓，是男仔黃色蝴蝶紋，四蹄踏雪好漂亮。很善良很乖，而且還被我的朋友抱，這隻小貓每天都在固定地方等，不敢跑開，就是為了等我朋友帶糧食給他，到我朋友要回家，他很不捨得想跟她回家，我朋友叫他不要跟，乖乖入草叢躲起來，他便停下腳步，但發出好像哭聲一樣的叫聲，令人心酸。因為我朋友家裡已有十幾隻貓，實在沒辦法把他帶回家。小貓身處的地方環境很差，如果打風落雨只可以躲在旁邊的矮草叢，而且那個地方常有野狗出沒，附近居民還說曾經看見有蛇出現，所以曾經發現那個地方有貓屍，小貓多留一天生命都會受到威脅。所以希望盡快有心人能給他一個家，如要領養，我們會先帶他去看醫生檢查身體，洗澡、杜蟲、杜蚤，變成靚仔之後才交給新主人。
如有興趣想看照片請電郵至 winchan138@yahoo.com.hk