一日兩場生日會

上星期日朝早，阿樂喺德福開完生日會之後，我哋就拿拿淋叫咗架VAN返天水圍，反到屋企阿樂就梗係即刻拆禮物啦，不過，呢啲禮可阿樂只可以睇，唔可以玩！點解？因為我哋要劈住去小欖燒烤場，出席我哋第二場的生日會，阿樂無得玩佢致愛啲玩具，當然有啲失望啦，但都無辦法了，唯有氹佢話去到燒嘢食果度可以玩沙囉。

呢個烤場我哋都係第一次去，都唔知點解，大熱天時都咁鬼多人燒嘢食〔嘻嘻，包括我哋〕，初時去到，真係熱鬼死，個感覺好迫，之後，我哋搬到一個較後露天的位置，就好好多了。不過，就遇到一啲自私鬼囉，我哋成九個人，個位得好小，而隔離爐果家人就擴大佢哋自己個位，搞到我哋迫到死，一啲都唔〔吞〕啲畀我哋！

果日的天氣真喺好熱呀，賦賦同樂樂兩個已急不及待咁，要去沙灘度玩，樂樂同賦賦都玩得好開心呀，玩左好耐都唔肯入嚟燒嘢食，不過，開心極都唔夠SASA姨同CHRIS哥哥，點解，大家睇吓啲相就知了！


其實今次的聚會喺為琪琪姨生日而舉行的，不過，聰明的琳琳姨就話，不如同〔八、十，十一月〕的人一齊慶祝啦，結果，佢就訂咗一個有「SASA姨、琪琪姨、恆叔叔、樂樂，彬叔叔同傑叔叔」的蛋榚，一齊慶祝了，勁勁勁！


切蛋榚就梗喺要有禮物啦，今年我哋送咗一份超有紀念性，而有實用的禮物畀琪琪姨呀，大家估吓係乜？就喺佢最鐘意的麻雀呀，哈哈哈！呢幅麻雀好特別嫁，喺四隻白板上面，我哋雕了「曾」、「連」、「詠」、「琪」呢四個字上去，喺咪好勁呢！呢份禮物我哋三個一齊去揀嫁，好畀心機去諗嫁，琪琪姨，希望你鐘意啦！