畢業生代表

仲有個幾月，樂樂就會離開呢間陪伴咗佢四年的幼稚園了，回想起呢四年，樂樂每日返學都好開心，點解？因為返學好似返屋企咁囉，無論校長，老師，同嬸嬸甚至書記都對阿樂好好，好錫佢，校長更當佢契仔一樣！

【校長】

就快要離開呢間學校，除咗樂樂唔捨得之外，其實我同婆婆都唔捨得呀，尤其是喺婆婆病果時，校長同老師都好關心她，除每日為婆婆祈禱外，更送上心意卡慰問婆婆。

可能係緣份的關係，樂樂由N 1開始，學校的老師已經好鐘意佢，我心諗，佢讀 N1，點解全校的老師都會識佢呢？唔通，佢喺學校好頑皮，原來唔係，係因為樂樂細個果陣好得意，啲老師成日在校務處果度講起佢，所以，啲老師咪留意倒佢囉。
【K 3班主任】

之後升上K1、K2、K3，各個斑主任都錫到佢燶，但講到最錫，我諗都係校長了，除咗辦公室枱頭放了樂樂的照片外，樂樂生日，校長更會私人送禮物畀阿樂，喺K3果年，學校的招生廣告，校長都搵咗樂樂嚟做招牌，放到正中間，開心到阿樂飛起！而今年畢業禮，校長同班主任更挑選樂樂做畢業生代表潻。

樂樂升讀一年班後，希望小學的老師同校長都可以一樣咁錫佢啦！