黎到洛杉磯附近既城市 - Irvine,
由於住既大多係老一輩既有錢人,
所以呢度既日本餐廳仲多過麥當勞.
競爭大, 但餐廳總係keep 住旺場,
証明呢間鋪食物都有返咁上下~
美國有好多日本餐廳, Sushi bar 師傅其實係中國人韓國人咁.
呢度請返d純正技術一流既日本師傅, 咁先啱feel架嘛~
佢凍既roll 都唔錯, 飯夠新鮮夠咬口..
特別推薦Spicy Tuna.. 最受歡迎既一款..
可以要求佢壽司上加crunch, 呢度既 crunch 夠脆, 加埋壽司好好味.
佢亦都有一d 平時見唔到既特別roll 名, 例如Playboy roll 咁~
好.. 到介紹下佢d Grill 喇.. 呢度可以折扣價叫2 款/3款 既組合..
叫左鹽燒沙巴魚Saba Shioyaki, 呢個冇乜特別.
照燒牛肉Teriyaki Beef, 平時少叫因為太普通,
但極力推薦下, 一試.. 超正, 好耐冇食過咁入味既牛肉,
汁甜度啱啱好又唔怕杰, 就咁汁撈飯已經好正.. 必試之作~
最後Tempura Ice cream, 試過咁多間佢既都算唔錯..
入面綠茶雪糕個味夠香夠滑, 可惜仲未達到我心目既好味程度..
我深信, 終有一日我會尋找到最好味既Tempura Ice Cream 既~!
