2009 05 26 一個人在貝澳

我講過,今日唔落雨就會入貝澳摸蜆,我第一次坐巴士入去,搭幾多號唔知,搭到邊到落車又唔知,總之就on居居咁一個人入貝澳啦 !去到車站先問人地坐幾號車入,原來係3M,坐緊巴士見到貝澳沙灘果陣,離遠已經見到潮退得好勁,心情好興奮 !我問人地邊度落車,身邊d人都答唔到我,我就求其落啦..反正見到有d村屋係度,落左車之後又唔知點行入沙灘,又問人,好彩直行入沙灘就到.一到沙灘...嘩 !潮退到第8-9個浮波呀 !正 !
我買左2個用具黎挖蜆,點解挖極都冇既 ??可能冇人陪,就冇耐性挖,點知一挖,挖左一隻蟹出黎,都大隻架,好攪笑囉 !,我係咁挖,挖呀挖,都冇收獲呀~攪到我好氣餒,點知有個呀叔,浸係d水度,一路拖住佢d工具係水度行,一路行就一路執到d大蜆上黎,我今日冇著泳衣呀~所以我冇落水,佢同我講,好多呀 !好易就有,點解我一個都冇既,佢真係好多,所以佢比左d大隻既比我.其實我都唔食得蜆,我只係想挖到蜆果種既開心,點知今日黎,反而令我好失望添...唉 !