24-26 OCT 台北遊 - DAY 1

10月24日 星期六

YEAH! 終於到咗今日. 早上乘8:15機去台北。10點就落機。

落機後, 就跟住台灣朋友嘅指示, 最後去到佢地一早訂位嘅餐廳, JOIN埋佢地, 一齊食個LUNCH! 黎到台北嘅第一餐, 真係超級豐富! 點到成桌都係。仲要樣樣都係咁好食...好美味呢~~~~~ ^^ 多謝晒呢~~

食飽飽之後, 我地就去西門町新樂町飯店CHECK IN, 放低行李, 就出發搭捷運去淡水!
先係行淡水老街, 成條街都係小食店, 好吸引! 黎到淡水, 一定要試吓食呢一舊「阿給」。佢係豆腐壤滿粉絲嘅小食, 有好多款味嘅「阿給」。我地就揀咗「沙茶阿給」。味道一般, 唔算好好食, 不過勝在係淡水特色小吃, 所以點都要試吓。
行完淡水老街再過漁人碼頭, 本想黎睇日落, 不過個天好早已日落, 去到已黑麻麻。冇日落睇, 只係睇倒情人橋嘅燈色。晚上嘅情人橋, 係一個談心嘅好地方, 好清靜。

離開淡水之後, 我地就搭捷運去士林夜市。
哇~超吸引.... 成個夜市都係食小吃嘅店。真係睇吓行吓已好開心!

但我同昌少咁「為食」,又點會只係齋睇唔食WOR。
我地飲咗白苦瓜汁, 又食咗個蚵仔煎及生炒花枝。好好食呀~~~~

去過台灣N次, 都冇在士林食過出名嘅「豪大大雞扒」, 今次怎能錯過呢?!
哇~果然勁! 塊雞扒真係大塊過我塊面! 難怪時時刻刻都有人在大排長龍啦~

飲飽食醉後, 回西門町行一行, 順路回飯店休息。
待至凌晨1點多, 就去咗天外天HOT POT吃到飽JOIN返D朋友, 一齊宵夜~~
昌少因為好唔慣咁夜仲唔瞓, 仲要食HOT POT, 所以佢個樣係好呆滯。搞笑。真係辛苦晒佢了~~~ 不過... 黎台灣, 就一定要黎天外天食啦。因為真係平及好多嘢食。仲點係, HAAGEN DAZA雪糕任食。超值! ^^

食宵夜至凌晨3點倒, 真係頂唔順, 要回飯店瞓~~~ zzzzzZZZZ

* DAY 1 完 *