24-26 OCT 台北遊 - DAY 3 Part I

10月26日 星期一

今日非常好天嘅一日。早上去食個早餐先。忽然醒起, 我地未食「魯肉飯」。所以就在附近搵一間入去食。呢間小店在西門町都已經有好耐歷史。所以就走入去試吓。

魯肉飯好好食~我地一人一碗^^ 再叫咗個豆腐皮蛋。好食! 再加多碗切仔麵。又平又飽! 好食好食。好滿足!

食飽之後, 就回酒店check out。台灣朋友成筠一早幫我地訂咗架車, 咁我地10:30 check out後, 就開車, 向桃園出發! 

車程arround 1個鐘就到今日第一站 - 大溪花海農場。

之前我冇聽過呢個地方架! 係因為出發之前plan第三日(即係今日)去小人國, 咁就再上網睇吓附近有咩景點可以去行吓啦。結果就搵倒呢度。本身我對呢個農場係冇咩期望, 因為佢唔係一個熱門旅遊景點。

結果黎到呢度, 即時覺得冇揀錯地方! 遠望無際嘅大農場。加上今日天氣真係超好. 有好好嘅陽光, 不過一d都唔覺熱, 有風, 一邊行, 真係好舒服!

一直向入行, 哇~~~~~~ 真係花海呀!!!!!! 靚過大陸果d....... 難怪有咁多台劇都係在呢個農場取景啦~~~ ^^ 實在太美嘅風景! 我地超開心.... 係咁影影影! 靚得難以形容, 大家睇相啦~~~~ ^^

當中, 我最鐘意就係呢個粉紅花海呀~~~~ 哇~~ 好靚. 現場睇.. 更加壯觀呀!!

由於時間緊迫, 我地都唔可以在此逗留太耐。只係逗留咗一個鐘倒。雖然好唔想走, 不過, 我地還是要向下一個目的地進發!

距離大溪花海農場十幾分鐘車程, 就到下一個目的地 - 大溪老街!

原來大溪老街位於較高位置, 我地架包車係唔可以入倒去的。下車後, 我地要步行入去。就由呢條大溪橋開始進發! 原來行完條橋之後, 係要再上一條長長石梯, 先可以去到大溪老街。由落車行至大溪老街, 原來都已經花咗20分鐘。既然黎到, 點都要行一個圈, 睇吓有咩嘢食都好啦。大溪名產係豆干。成街都有賣豆干嘅店。

在誤打誤撞之下, 我地去到一間食店, 坐低後, 才知道原來呢間係大溪出名嘅「百年油飯」。百年油飯係大溪嘅懷舊小食。都幾得意。似係糯米飯LOR~都幾香嘅。我地又點咗個「招牌肉卷」。好好食呀!!!!!! ^^ 

食飽飽, 就行返落去, 過返橋, 上車 ~

向今次台北遊嘅最後一個景點 - 多啦A夢小人國 進發!!!!

* DAY 3 PART I 完 *